უეფას ჩემპიონთა ფინალური მატჩი „მილენიუმ სთედიუმზე“ მადრიდის რეალის გამარჯვებით დასრულდა. ტურინის „იუვენტუსი“ ანგარიშით 4:1 დამარცხდა.

მატჩის შემდეგ კომენტარი გააკეთა „იუვენტუსის“ მეკარემ, ლეგენდარულმა ჯანლუიჯი ბუფონიმ. ჯიჯის თქმთ ისინი იმედგაცრუებულნი და დამწუხრებულნი არიან, რეალი კი იმსახურებდა მოგებას იმ თამაშით, რაც მეორე ტაიმში აჩვენა:

„იმედგაცრუებულნი ვართ. საკმაოდ კარგად ვთამაშობდით პირველ ტაიმში, ვფიქრობდით რომ საკმარისს ვაკეთებდით თამაშის მოსაგებად. ვერ ავხსნი რატომ ვითამაშეთ ისე, როგორც ვითამაშეთ მეორე ტაიმში. მადრიდის რეალმა დაიმსახურა მეორე ტაიმში მოგება. მათ თავიანთი კლასი და გამოცდილება აჩვენეს, რომელიც ასეთი ტიპის თამაშისთვის არის საჭირო“, - აღნიშნა ჯანლუიჯი ბუფონიმ.

მადრიდის რეალმა ჩემპიონთა ლიგა ზედიზედ მეორედ მოიგო. რაც შეეხება კრიშტიანუ რონალდუს მან თავისი კარიერის მანძილზე მეოთხედ მოიგო ჩემპიონთა ლიგის ფინალი და იუვენტუსთან შეხვედრისას თავისი 600-ე გოლი გაიტანა. რონალდუ მატჩის საუკეთესო მთოთამაშედ გამოცხადდა. სერხიო რამოსი კი გახდა პირველი კაპიტანი, რომელმაც ჩემპიონთა ლიგის ისტორიაში ზედიზედ ორჯერ ასწია თასი.