მდინარე მტკვრის დონემ საგრძნობლად დაიკლო, ფაქტის ამსახველი ფოტო და ვიდეო მასალა „ნიუპოსტს“ ფეისბუკმომხმარებელმა კონსტანტინე სიჭინავამ მოაწოდა.

როგორც ცნობილია 2 ივნისიდან 6 ივნისის ჩათვლით, სს „ენერგო-პრო ჯორჯია გენერაცია“ ზაჰესისა და ორთაჭალჰესის წყალსაცავებზე გეგმიურ სამუშაოებს ახორციელებს. კერძოდ, ხდება წყალსაცავების გარეცხვა, რაც მიზნად ისახავს წყალსაცავებზე დაგროვილი ნაგვისა და ნატანის გატანა–გაწმენდას.

გარეცხვითი სამუშაოები ოთხი დღის განმავლობაში გრძელდება, რამაც გამოიწვია ზაჰესის ოთხდღიანი და ორთაჭალჰესის სამდღიანი გაჩერება. ამასთან, ორთაჭალჰესის წყალსაცავის გარეცხვა ზაჰესის წყალსაცავის გარეცხვის პარალელურად ხდება. შედეგად, თბილისში და მცხეთაში, მდინარე მტკვრის კალაპოტში წყლის დონე დაიწია.