ზუგდიდის ეპარქიის წინამძღვარი, მეუფე გერასიმე საპატრიარქოს იურისტის განცხადებების შემდეგ კომენტარს აკეთებეს. მეუფეს განცხადებით, იგი არ თვლის, რომ საქართველოში შეიძლება არსებობდეს ადამიანი, რომელიც კათალიკოს-პატრიარქის წინააღმდეგია:

„არმგონია მე საქართველოში ვინმე იყოს პატრიარქის წინააღმდეგი. საქართველოში ასეთი ადამიანი არმგონია რომ არსებობდეს. არ ვიცი, რაზე ისაუბრა, რა თქვა, რა ილაპარაკა, მაგრამ მე მინდა გამოვხატო საქართველოს მოსახლეობის უმრავლესობის დამოკიდებულება პატრიარქის მიმართ, პატრიარქი არის ყველასთვის ერის მამა“, - აცხადებს მეუფე გერასიმე.

შეგახსენებთ, რომ გუშინ ედიშერ ქარჩავამ მეუფე პეტრე ცაავას მიმართა და განაცხადა, რომ მისი სამიზნე კათალიკოს პატრიარქია და რამდენიმე დღის წინ თავისივე განცხადების განმარტება გააკეთა. ქარჩავამ აღნიშნა, რომ „მკვლელობაშ“ იგი „სულიერ მოკვდინებას“ გულისხმობდა. მისივე თქმით, იგი გუშინ მთავარ პროკურატურაში გამოკითხვაზე იმყოფებოდა.