არგენტინელი ფეხბურთელი , "ბარსელონას" ფორვარდი ლიონელ მესი ოქროს ბუცის მფლობელი მეოთხედ გახდა.

აღნიშნული პრიზი ყოველწლიურად ევროპული ჩემპიონატების საუკეთესო ბომბარდირს გადაეცემა.

არგენტინელმა ესპანეთის ჩემპიონატის ამ სეზონში , 34 მატჩში 37 გოლი გაიტანა და 74 ჩასათვლელი ქულა მიიღო.

მეორე ადგილზე ლისაბონის "სპორტინგის" ფორვარდი ბას დოსტი გავიდა - 34 გოლით (68 ქულა). მესამეზე კი დორტმუნდის "ბორუსიას" თავდამსხმელი პიერ-ემერიკ ობამეიანგი გავიდა - 31 გოლით (62 ქულა).

შეგახსენებთ, 29 წლის ფეხბურთელის ანგარიშზე სულ 4 ოქროს ბუცია. აღნიშნული ჯილდო მან 2010, 2012 , 2013 და 2017 წლებში მიიღო და ამ მაჩვენებლით მადრიდი "რეალის" ფეხბურთელს, პორტუგალიელ კრიშტიანუ რონალდუს გაუთანაბრდა.