2017 წლის მაისში, ქართველი მხატვარი, გიორგი კუხალაშვილი, ჰოლანდიის მხატვრული საგამოფენო წრეების მიწვევით ნიდერლანდებში იმყოფებოდა, სადაც 6 მაისს გაიხსნა მხატვრის სოლო გამოფენა ქალაქ ბარნში, Castle Groeneveld –ში , მეთვრამეტე საუკუნის სამეფო სასახლეში, რომელიც ამჟამად კულტურის ცენტრია და არაერთ მნიშვნელოვან არტ ღონისძიებას მასპინძლობს.

ეს არის ადგილი, რომელში გამოფენაც თავად ჰოლანდიელი არტისტებისთვისაც დიდ პრივილეგიას წარმოადგენს.

"ექსპოზიციაზე უამრავმა ხელოვნებისმოყვარემ, კოლექციონერმა, დილერმა და არტ კურატორმა მოიყარა თავი. მინდა აღვნიშნო, რომ გამოფენა მაღალ დონეზე იყო ორგანიზებული და ექსპოზოციის გახსნამ ძალიან წარმატებულად ჩაიარა. მივიღე ძალიან საინტერესო შემოთავაზებები კურატორებისგან."- განაცხადა გიორგი კუხალაშვილმა.

გიორგი კუხალაშვილის ერთკვირიანი მოგზაურობა ნიდერლანდებში მოიცავდა შეხვედრებს ჰიერონიმუს ბოსხის მუზეუმში ( ჰერტოგენბოსი), ხელოვნებათმცოდნესთან ხრეიჩე ჯაკობსთან, რომელიც კურირებს ბოსხის ნამუშევართა კოლექციას და შეხვედრას ვან გოგის მუზეუმში ( ამსტერდამი ), ხელოვნების მკვლევარ, ლიზა სმიტთან , სადაც გაჩნდა იდეა, რომ გაკეთდეს მხატვრის სოლო გამოფენა მუზეუმის გალერეაში, სადაც თანამედროვე არტისტები იფინებიან.

ბელგიაში, გალერეა ID+Art - ში გიორგი კუხალაშვილი შეხვდა მისი ხელოვნებით დაინტერესებულ ადამიანებს, სადაც გაიმართა რამდენიმესაათიანი განხილვა მისი შემოქმედების და არტისტული ცხოვრების შესახებ.

ვრცელი სტატია მიუძღვნა გიორგი კუხალაშვილის შემოქმედებას ჰოლანდიურმა გამოცემამ “ Kunst-& Museumkrant “ და პოპულარულმა არტ ჟურნალმა “ Vind ”.