უშიშროების სამსახურის ინფორმაციით, მიმდინარე წლის აპრილში დათო სვანი უკანონოდ, გაყალბებული საბუთებით ჩავიდა ოდესაში, ადგილობრივი კრიმინალური სამყაროს გაკონტროლების მიზნით. ოდესაში მისი შესაძლო დაკავების თავიდან ასაცილებლად, გერლიანი დნეპრში გადავიდა, სადაც ის უკრიანის უშიშროებამ დააკავა.
უკრაინული მხარე გერლიანის დეპორტაციას გეგმავენ, რის შემდგაც მას 3 წლით ქვეყანაში შესვლა აეკრძალება.
შეგახსენებთ, რომ კრიმინალური ავტორიტეტის დავით გერლიანის, იგივე დათო სვანის დეპორტაცია უკრაინიდან გასული წლის საფხულში მოხდა, თუმცა ე.წ "კრიმინალური ავტორიტეტის" დაკავება აეროპორტში არ განხორციელებულა, რის გამოც საქართველოს ძალოვანი უწყებები ოპოზიციის წარმომადგენლებმა გააკრიტიკეს. მისი დაკავება საქართველო-სომხეთის საზღვრის გადაკვეთის მცდელობისას მოხდა.
ამის მიუხედავად, დავით გერლიანი ქართულმა სასამართლომ “კანონიერი ქურდობის” ბრალდების ნაწილში გაამართლა, ხოლო საზღვრის უკანონოდ გადაკვეთის მცდელობაში ის დამნაშავედ ცნეს და 6500 ლარიანი ჯარიმა დააკისრეს, რის შემდეგაც გერლიანი სასამართლოს დარბაზიდან გაანთავისუფლეს, ხოლო მოგვიანებით მან ქვეყანა დატოვა.
მასალის გამოყენების პირობები