კასპის მუნიციპალიტეტის სოფელ დოესში, ყინვის შედეგად დაზარალებულმა მოსახლეობამ საპროტესტო აქცია გამართა.

,,ნიუპოსტის“ კორესპონდენტის ცნობით, ადგილობრივები დახმარებას საქართველოს მთავრობას სთხოვენ, კერძოდ კი ისინი საბანკო სექტორთან შუამდგომლობას ითხოვენ. მათი თქმით, მოსავლის მოსაყვანად ბანკებიდან სესხები აიღეს თუმცა, ყინვამ ხეხილი გაანადგურა რის გამოც საბანკო ვალდებულებების გასტუმრებას ვეღარ შეძლებენ.
„ყველაფერი გაგვიფუჭდა ამ ყინვებზე, ქვა-ქვაზე არაფერი არ დაგვრჩა. ვითხოვთ ხელისუფლებისაგან დახმარებას, გამოიყოს კომისიები და დაითვალონ ზარალი. ორი წლის განმავლობაში მოსავალი არ გვექნება ჩვენ“-აცხადებს ვალერი ყეინაშვილი.

დოესში მოსახლეობასთან შესახვედრად ჩავიდა კასპის მუნიციპალიტეტის გამგებელი, გოჩა გოჩიტაშვილი ადგილობრივებს გარკვეულ საკითხებში დახმარებას დაჰპირდა.