შეხვედრას ესწრებოდნენ მინისტრი დავით ნარმანია, მინისტრის მოადგილეები თენგიზ შერგელაშვილი და შოთა მურღულია, სოფლის მეურნეობისა და გარემოს დაცვის სამინისტროს წარმომადგენლები და რეგიონული განვითარებისა და ინფრასტრუქტურის სამინისტროს შესაბამისი დეპარტამენტების ხელმძღვანელები.

სხდომაზე სამეცნიერო-ტექნიკური ცენტრის "დელტას" ხელმძღვანელმა უჩა ძოძუაშვილმა სეტყვის საწინააღმდეგო სხვადასხვა ტიპის სისტემების პრეზენტაცია წარმოადგინა. შეხვედრის მონაწილეებმა დეტალურად განიხილეს თითოეული სისტემის დადებითი და უარყოფითი მხარეები, ტექნიკური მახასიათებლები, ზემოქმედების სიძლიერე, ფასები, ეფექტურობა და ა.შ.

როგორც რეგიონული განვითარებისა და ინფრასტრუქტურის მინისტრმა დავით ნარმანიამ აღნიშნა, დაახლოებით 2 კვირის შემდეგ მსგავსი ტიპის შეხვედრა კვლავ ჩატარდება, რომელზეც სეტყვის საწინააღმდეგო სისტემების რეაბილიტაციის პროექტები თავისი ფინანსური გაანგარიშებით იქნება წარმოდგენილი.

სეტყვის საწინააღმდეგო სისტემების დანერგვის მხრივ საქართველო ყოველთვის ითვლებოდა ერთ-ერთ ნოვატორად.

აღნიშნული სისტემების აღდგენა მნიშვნელოვნად შეამცირებს სტიქიური უბედურებების რიცხვს ქვეყანაში და მისგან გამოწვეულ ზარალს.