ბაბუის მკვლელობაში ბრალდებული 19 წლის გოგოა - 77 წლის მოხუცის შემზარავი მკვლელობის დეტალები

კრიმინალი - 14:52, 13 May, 2017

51220

ბუდაპეშტის ქუჩაზე მომხდარი საზარელი მკვლელობის შესახებ დამატებითი ინფორმაცია ხდება ცნობილი. გამოძიების ინფორმაციით, 77 წლის ბაბუა, 19 წლის მარიამ კუპრეიშვილიმა, თანაკურსელის გიორგი გვარამიას დახმარებით მოკლა.

თბილისის საქალაქო სასამართლოში ორივე მათგანის მიმართ აღმკვეთ ღონისძიებაზე ამ წუთებში მსჯელობენ. პროკურატურა ორივე მათგანის მიმართ პატიმრობას ითხოვს. ბრალდებულები კი დუმილის უფლებას იყენებს.

"დუმილის უფლებას იყენებს, საქმის მასალები სულ ეხლახან გადაეცა სახაზინო ადვოკატს. როგორც ვიცი კუპრეიშვილი და გვარამია არიან კურსელები, შვილიშვილი მივიდა პაპასთან და მიიყვანა მეგობარი. ბრალდების დადგენილებაში მოტივი არ წერია" - აცხადებს გვარამიას ადვოკატი ბონდო ვათიაშვილი.

მარიამ კუპრეიშვილის ადვოკატს გიორგი ბერიძეს სასამართლო სხდომის დაწყებამდე ვრცელი კომენტარი არ გაუკეთებია.

მისი თქმით, კუპრეიშვილს დანაშაული არ ჩაუდენია.

77 წლის მამაკაცი თბილისში 9 აპრილს ცივი იარაღით მოკლეს. გამოძიების ინფორმაციით, დაკავებულებმა მკვლელობის შემდეგ კვალის დაფარვის მიზნით, ბინაში ცეცხლი გააჩინეს.

არსებული ინფორმაციით, ბრალდებულებმა მკვლელობის ადგილიდან 300 ლარი და ძვირფასეულობა წაიღეს.

მკვლელობის გახსნის შესახებ ინფორმაცია შინაგან საქმეთა სამინისტრომ დღეს გაავრცელა. უწყების ინფორმაციით დაკავებულებმა დანაშაული ანგარების მოტივით ჩაიდინეს.