„ამერიკის კინემატოგრაფიულ ხელოვნებათა და მეცნიერებათა აკადემიის“ (ოსკარის) მოქმედმა პრეზიდენტმა ბუნ აიზეკსმა განაცხადა, რომ აკადემიის მმართველ ბორდს ტოვებს და ვადის ამოწურვის შემდეგ პრეზიდენტის არჩევნებში მონაწილეობას აღარ მიიღებს.

აიზეკსმა საკუთარი გადაწყვეტილება არ ახსნა, თუმცა მედიის ინფორმაციით, მიზეზი სკანდალია, რომლეიც "ოსკარის" დაჯილდოების წლევანდელ ცერემონიაზე მოხდა და ასევე, კრიტიკა, რომელიც უკანასკნელ წლებში "ოსკარის" ნომინანტთა სიის არამრავალფეროვნების გამო ისმის.

ბუნ აიზეკსი აკადემიის პირველი აფროამერიკელი და მესამე ქალი პრეზიდენტი იყო. იგი პრეზიდენტის პოსტს 2013 წლის 30 ივლისიდან 4 წლის განმავლობაში იკავებდა, ხოლო მმართველ ბორდში 24 წელია მუშაობს.