თბილისის საქალაქო სასამართლოსთან ამ წუთებში საფინანსო კომპანია „საქართველოს“ დაზარალებულები იკრიბებიან. გუშინ, რუსტაველის გამზირზე, პარლამენტის შენობასთან მიმდინარე აქციის ფარგლებში დაკავებული 5 პირის სასამართლო პროცესი რამდენიმე წუთში დაიწყება.

დაკავებულებს ბრალი ადმინისტრაციული კოდექსის 163-ე და 177-ე მუხლით ედებათ, რაც წვრილმანი ხულიგნობისა და პოლიციისთვის წინააღმდეგობის გაწევას გულისხმობს.

დაზარალებულების ადვოკატების განცხადებით, გუშინ რუსთაველის გამზირზე იმართებოდა მშვიდობიანი აქცია და დაკავებულებს კანონი არ დაურღვევიათ.

„საგანგაშოა ეს სიტუაცია, როდესაც ქალაქში, ქვეყანაში, დღისით, მზისით, უფლებადამცველი და ტელეწამყვანი დგას, აძლევს ინტერვიუს და მას ისე აკავებს. პოლიციამ გადააჭარბა თავის უფლებამოსილებას და არამედ შელახულია სიტყვის თავისუფლება,“ - განაცხადა დიმიტრი ტუსკაძის ადვოკატმა.