ე.წ. ციანიდის საქმე - ჭყონდიდის მიტროპოლიტი მეუფე პეტრე აღნიშნულ საქმეზე საპატრიარქოს ადვოკატის მიერ გაკეთებულ განცხადებებს აფასებს. ტელეკომპანია „რუსთავი 2“-ის გადაცემა არჩევანში, მეუფე პეტრემ აღნიშნა, რომ საქმეზე გაკეთებული განცხადებები ეკლესიის დისკრედიტაციას ემსახურება:

„წმინდა სინოდის სხდომა, რომელიც შეიკრიბა ამ გახმაურებული საქმის შემდეგ, რომლემაც სრული ნდობა გამოუცხადა ამ გამოძიებას, შემდეგი ეტაპი იქნება ისევ სამარცხვინო, სრულ ნდობას გამოვუცხადებთ სასამართლოს და მივიღებთ, რომ სრული ნდობა გამოეცხადება ქართველი ერისგან, საქართველოს მართლმადიდებელი ეკლესიისგან, უფალმა დაგვიფაროს, მსგავსი უპასუხისმგებლო განცხადებები, ეს იქნება ერის დაბრკოლება, არც მეტი არც ნაკლები, თუ ამ პოზიციას დაიკავებს საქართველოს ეკლესია. მსგავსი უხერხული სამარცხვინო უპასუხისმგებლო განცხადებები ახალი არ არის, არაერთხელ ამიღია ჩემს თავზე პასუხისმგებლობა, რომ ასეთი სამარცხვინო განცხადებები არ გამეშვა საპატრიარქოს ტელევიზიით.

მე გამოვთქვი ჩემი გულისტკივი, რომ დღემდე სცენარის ავტორი ჩემი აზრით ამ უხერხული მდგომარეობისა, არის ადამიანი, რომელიც დგას ამ შარის უკან, ერთმა საკმაოდ კვალიფიციურმა სამართალმცოდნემ, რომელიც ევროპაში მოღვაწეობს, მან ასეთი შეფასება მისცა ამ კონკრეტულ შემთხვევაზე, ბომბი აუფეთქდათ თითქოს ხელშიო, ადამიანებს რომლებიც ამ სამარცხვინო სცენარის უკან დგანან, მე ვთქვი, რომ ჩემს მიერ დასახელებული რუხი კარდინალი, რომელიც დღემდე საპატრიარქოშია და განაგებს, კვალი ისევ მიგვიყვანს ამ ქალბატონამდე, ასეთი ცინიკური დამოკიდებულება საქართველოს მოსახლეობის მიმართ, მრევლის მიმართ, სამღვდელო დასის მიმართ, ნებისმიერმა ადამიანმა კარგად იცის რამდენად უხერხულია, მღვდელი, რომელიც რამდენიმე პირს, იერარქს გამოასალმებდა ამ წუთისოფელს, დაბრუნდებოდა საქართველოში და პატრიარქი მას დააჯილდოვებდა? ეს არის დისკრედიტაცია ეკლესიისა, მსგავსი განცხადებები, რომელიც დაბნეულობის შემოტანას ემსახურება“, - განაცხადა მეუფე პეტრემ.

საპატრიარქოს იურისტი ედიშერ ქარჩავა ე.წ ციანიდის საქმის ირგვლივ სკანდალურ ინფორმაციას ავრცელებს. მისი ვარაუდით, პატრიარქის რეფერენტის შორენა თეთრუაშვილის გარდა მაღალი იერარქიის სასულიერო პირების მკვლელობა იგეგმებოდა.

ქარჩავა პატრიარქთან დაახლოებულ ორ სასულიერო პირს ასახელებს. მისი თქმით, საუბარია მეუფე იაკობსა და ილია მეორეს თანამესეკნე მამა დავით ჭინჭარაულზე.