საქართველოს კომუნიკაციების მარეგულირებელ ეროვნულ კომისიაში დღეს თავმჯდომარეს აირჩევენ. თანამდებობას სავარაუდოდ კახა ბექაური დაიკავებს, რადგან კომისიის სხვა წევრებს თავმჯდომარის პოსტზე განაცხადი არ შეუტანიათ. არჩევნები 17:00 საათზეა ჩანიშნული.

ვახტანგ ბაშიძეს თანამდებობაზე ყოფნის ვადა 19 მაისს ეწურება.

"მაუწყებლობის შესახებ" საქართველოს კანონის თანახმად, საქართველოს კომუნიკაციების ეროვნული კომისიის წევრს ექვსი წლის ვადით ირჩევს საქართველოს პარლამენტი სიითი შემადგენლობის უმრავლესობით. კომისიის თავმჯდომარეს კი ირჩევს თავად კომისია. ასევე, სრული შემადგენლობის ხმათა უმრავლესობით, სამი წლის ვადით.