"ღამის მგლების" წინააღმდეგ მანიფესტი შეიქმნა - "არ შემოვუშვათ კრემლის მოტოციკლისტები საქართველოში"

საზოგადოება - 18:10, 01 May, 2017

16647

საქართველოში, პუტინის მეგობარი ბაიკერების "ღამის მგლების" შესაძლო შემოსვლასთან დაკავშირებით, საზოგადოებაში ვბენათაღელვა არ წყდება.
შინაგან საქმეთა მინისტრის მოადგილის განცხადებით აღნიშნულს, სპეციალური კომისია შეისწავლის. იმ შემთხვევაში, თუ ღონისძიება საქართველოს სუვერენულ ინტერესებს ხელს შეუშლის, კომისია სამინისტროს მიმართავს და უწყება შემდეგ იმოქმედებს.ამასობაში კი Manifest.ge-ზე მანიფესტი შეიქმნა სახელწოდებით "არ შემოვუშვათ კრემლის მოტოციკლისტები საქართველოში.""ცნობილია რომ ამა წლის 9 მაისისთვის კრემლის ხელისუფლებასთან აფილირებული და ევროპის ქვეყნებში non-grata-დ გამოცხადებული მოტოციკლისტთა ჯგუფი, "ღამის მგლები", აპირებს საქართველოს საზღვრის გადმოკვეთას და, ადგილობრივ პროპუტინურ ძალებთან ერთად, თბილისში ვაკის პარკში აქციის მოწყობას.

მოვითხოვთ, რომ საქართველოს სახელმწიფომ მკაფიოდ აჩვენოს ყველას, რომ ის ჩვენი ქვეყნის ინტერესების და ღირსების სადარაჯოზე დგას და არ დაუშვებს ამ ჯგუფის საქართველოში შემოსვლას" - წერს მანიფესტის ავტორი გიორგი ფარცხალაძე.

ყოველწლიურად, მოტოგარბენს აწყობენ, მიზანი კი „გამარჯვების დღის“ ბერლინში აღნიშვნაა. "ღამის მგლები" სტარტს მოსკოვიდან იღებენ, თუმცა მთელი რიგი სახელმწიფოები მათ საზღვრის გადაკვეთის უფლებას არ აძლევენ. პოლონეთმა წელს უკვე მესამედ უთხრა უარი "ღამის მგლებს" ქვეყანაში შესვლაზე. აღსანიშნავია, რომ ყირიმის ანექსიის გამო პუტინის პოლიტიკის მხარდაჭერისთვის "ღამი მგლების" ბაიკერებისა და მათი ლიდერის ალექსანდრ ზალდასტანოვის იგივე "ქირურგის" წინაამდეგ, დასავლეთმა ეკონომიკური სანქციები დააწესა.
მანიფესტის ნახვა შეგიძლიათ აქ