iPhone+ - მიმდინარე სასამართლო პროცესზე ფილმს გადაიღებს

საზოგადოება - 13:10, 01 May, 2017

2098

თბილისის საქალაქო სასამართლოში, iPhone+_სა და “აიტექნიკს” შორის დავის არსებითი განხილვა მიმდინარეობს. არსებითი განხილვის მომდევნო სხდომა ხვალ, 2 მაისს, 11:00 საათზე არის ჩანიშნული.

iPhone+_ის განცხადებით, საქმეზე ერთ-ერთ მოდავე მხარეს - “აიტექნიკს” თბილისის სააპელაციო სასამართლოს თავმჯდომარე ვალერიან ცერცვაძე ლობირებს, და მათივე თქმით, iPhone+_ს შეთითხნილ და არალოგიკურ ბრალდებებზე უწევს თავის დაცვა.

“გვსურს, ყველას შეეძლოს სასამართლო პროცესის მიმდინარეობის დააკვირვება, აქედან გამომდინარე, ვიწვევთ ყველა დაინტერესებულ ჟურნლისტს იმისთვის, რომ საზოგადოებამ თავად ნახოს თუ როგორი შეთითხნილი და უპრეცედენტოდ არალოგიკურია საქმეა. ვერავინ წარმოიდგენთ რა დონის აბსურდზე გვიწევს თავის დაცვა”, - ნათქვამია კომპანიის მიერ გავრცელებულ განცხადებაში.

როგორც iPhone+_ის მიერ გავრცელებულ ინფორმაციაშია ნათქვამი, კომპანიას სასამართლო პროცესის დასრულების შემდეგ რამდენიმე სერიისგან შემდგარი ფილმის გადაღებას აპირებს.

“ვგეგმავთ, სასამართლო პროცესის დასრულებისთანავე დავიწყოთ და უმოკლეს ვადაში მიმდინარე საქმეზე გადავიღოთ, რამოდენიმე სერიიაგან შემდგარი ფილმი, ნამდვილი ამბავი, სრული სხდომა, სადაც ყველა სიტყვა და ყველა საუბარი, სუნთქვაც კი 100%-ით იგივე იქნება იმისთვის, რომ ყველამ შეძლოს ზუსტად დაინახოს დღევანდელი სასამართლო საკუთარი თვალით”, - აღნიშნულია iPhone+_ის განცხადებაში.