საქართველოს 20 წლამდე მორაგბეთა ეროვნულმა ნაკრებმა სამხრეთ აფრიკის „ვესტერნ პროვინსის“ აკადემიის გუნდი 55:17 დაამარცხა. ქართველებმა მეტოქეს რვა ლელო დაუდეს. და 20-წლამდელთა მსოფლიო ჩემპიონატის მზადების ეტაპზე მეშვიდე თამაში მოიგეს.

ქართველი მორაგბეები სამხრეთ აფრიკული გუნდის წინააღმდეგ კიდევ 2 მატჩს გამართავენ, რომლებიც 3 და 6 მაისს შევარდენის სანაკრებო ბაზაზე გაიმართება. ორივე მატჩი 18 საათზე დაიწყება. დასწრება თავისუფალია.

31 მაისიდან 18 ივნისის ჩათვლით, თბილისსა და ქუთაისში მსოფლიოში საუკეთესოს ტიტულის მოსაპოვებლად 12 უძლიერესი ნაკრები, მათ შორის საქართველოს 20 წლამდე ნაკრებიც იბრძოლებს.