ახალგაზრდა მწერალი მარნეულიდან - 14 წლის მარიას გზა წარმატებისკენ

საზოგადოება - 11:02, 26 Apr, 2017

3062

„ნიუპოსტი“ ესეების კონკურსის გამარჯვებულს, 14 წლის მარია გასანოვას გაგაცნობთ, რომელიც დამწყები მწერალია.

მიუხედავა მისი პატარა ასაკისა მან უკვე მოასწრო საკუთარი თავის დამკვიდრება საკუთარ ქალაქში. მარია ეთნიკურად აზერბაიჯანელია და იგი ქალაქ მარნეულში მრავალშვილიან ოჯახში, წარმატებულ უფროს დებთან ერთად იზრდება. დაწყებითი განათლება მან ქალაქ მარნეულის დავით აღმაშენებლის სახელობის სკოლა-ლიცეუმში მიიღო. მისი პირველი წარმატების ისტორიაც სწორედ ამ სკოლიდან იწყება, სადაც ნიჭიერ მოსწავლე შეუმჩნეველი არ დარჩენიათ პედაგოგებს.

7-8 წლის ასაკიდან სკოლის ხელშეწყობით მარია აქტიურად მონაწილეობდა სხვადასხვა სახის ვოკალურ და საგანმანათლებლო კონკურსებსა და ოლიმპიადებში. მიუხედავად მისი პატარა ასაკისა იგი უკვე იყო არაერთი კონკურსის პრიზიორი. ეთნიკურად არაქართველი გოგონა ქართული ენის ოლიმპიადების გამარჯვებული და ფინალისტიცაა.

მისი ერთ-ერთი წარმატება „საუკეთესო დეკლამატორის“ სტატუსს უკავშირდება. უკვე 10 წლის ასაკში ქართული ენის რესპუბლიკური ტურის გამარჯვებულიც გახდება „საუკეთესო მუსიკალური ნომრის ნომინაციაში“. ამ წარმატების შემდეგ მარია გასანოვამ სხვადასხვა მუსიკალური სტუდიებიდანაც მიიღო მოწვევა სწავლის გასაგრძელებლად, უკვე როგორც დამწყებმა მომღერალმა. ნიჭიერი მოსწავლის წარმატებები შეუმჩნეველი არ დარჩენილა საზოგადოებისთვის.

12 წლის ასაკში იგი ქვემო ქართლის გუბერნატორმა ლიტერატურული კონკურსის "პოეზიის ინტეგრალების" მუნიციპალურ ტურში გამარჯვებისთვის დააჯილდოვა. მიმდინარე წელს მარია გასანოვამ ასევე საპრიზო ადგილი მოიპოვა პროექტ "სენტენციაში". ნიჭიერი ახალგაზრდის ბოლო წარმატება „გურულ დღიურებს“ უკავშირდება.

რამოდენიმე დღის წინ საქართველოს პარლამენტის ეროვნული ბიბლიოთეკის მიერწარმოებულ ოლიმპიადაზე, პატარა მწერალმა პირველი ადგილი მოიპოვა.

კონკურსის თანახმად მას ერთ წლიანი სტიპენდია დაენიშნა. პროექტის ავტორიგიორგი კეკელიძე პირადად ეწვია ქალაქ მარნეულს და პატარა მწერალისპეციალური პრიზითაც დააჯილდოვა.