29 წლის ნინო ბახტაძეს სასწრაფო დახმარება ესაჭიროება

საზოგადოება - 18:16, 25 Apr, 2017

15493

29 წლის ნინო ბახტაძეს საზოგადოების დახმარება ესაჭიროება, მას ავთვისებიანი სიმსივნის (ოლფაქტორული ნეირობლასტომა), მესამე სტადია აღმოაჩნდა. ნინოს ქიმიოთერაპიის კურსი საქართველოში უტარდება, თუმცა მისი მდგომარეობა მოულოდნელად გართულდა, რის გამოც პაციენტს სასწრაფოდ ესაჭიროება მკურნალობის საზღვარგარეთ გაგრძელება . ნინო ბახტაძეს სამი მცირეწლოვანი შვილი ჰყავს, მათგან ყველაზე უფროსი 6 წლის ლუკაა. ლუკა პირველი კლასის მოსწავლეა, გამორჩეული და ხალისიანი, თუმცა ბოლო დროს მისი ლაღი ბავშვობა სევდამ და ცრემლიანმა თვალებმა შეცვალა, დედის ავადმყოფობით დათრგუნული ბავშვის ერთადერთი ოცნება, მისი გამოჯანმრთელებაა...

ნინო ბახტაძის ოჯახსა და მის ახლობლებს საზოგადოების დახმარების იმედი აქვთ:

“მეგობრებო, არ დაიზაროთ წაკითხვა გთხოვთ !

ჩემს დეიდაშვილს, ნინოს აღმოაჩნდა ავთვისებიანი სიმსივნე ( ოლფაქტორული ნეირობლასტომა) მესამე სტადია, ამ ეტაპზე ქიმიების კურსს გადის საქართველოში, მაგრამ გუშინ სიტუაცია გართულდა და სასწრაფოდ უნდა გააგრძელოს წერტილოვანი სხივური თერაპია + ქიმიო თერაპია თურქეთში, რომელიც ჯამურად დაახლოებით 20 000 $ ჯდება, ყველა ფონდში, ჯანდაცვაში მერიაში და ყველგან შეგვაქვს განცხადებები, მაგრამ არ ვიცით რა ნაწილი დაფინანსდება ან რა დრო იქნება ამისთვის საჭირო. აქამდე მაქსიმალურად ვცდილობდით საჭირო თანხების პირადი რესურსით მოძიებას, მაგრამ სამწუხაროდ აღარ გვყოფნის. ამიტომ ვისაც გაქვთ სურვილი და საშუალება გთხოვთ დაგვეხმაროთ“.

ანგარიშის ნომერია: GE80TB7195545063600028 ➖ SWIFT: TBCBGE22 ➖ მიმღები : გვანცა ბახტაძე