ჯვართამაღლების ტაძრის წინამძღვარი, მამა თეოდორე გიგნაძე, ე.წ. ციანიდის საქმეზე გაცილებით დიდ პრობლემებს ხედავს. მისი თქმით ძალიან ბევრი პასუხგაუცემელი კითხვა რჩება, მათ შორის დეკანოზ გიორგი მამალაძის დაწინაურებასთან დაკავშირებით.

გიგნაძის თქმით ერთმანეთის მიმართ ბრალდებები სწორი არ არის. მისი შეფასებით, შორენა თეთრუაშვილს ოფიციალურად იმხელა გავლენა არ აქვს, რომ საპატრიარქოში და საპატრიარქოს გარეთ პროცესებზე ამ დონით ზემოქმედება შეეძლოს.

„მე ძალიან მემარტივება, როდესაც ერთ ადამიანზე ვიშვერთ ხელს ან იქით, ან აქეთ,“ - განაცხადა მამა თეოდორე გიგნაძემ. მისი თქმით დახურული სისტემის გამო ე.წ. ციანიდის საქმის პროცესი იწელება.

როგორც მამა თეოდორე გიგნაძე აცხადებს, ქვეყანაში უამრავი მნიშვნელოვანი პრობლემაა, რომელიც ყურადღების მიღმა რჩება.

„ჩვენ სამშობლო თავზე გვემხობა. უამრავი პრობლემა გვაქვს და იმის მაგივრად, რომ ხელი ხელს ჩავჭიდოთ და საქმე ერთად ვაკეთოთ... საზღვრებს გვეცილებიან, როგორი გადინებაა მოსახლეობის, ფაქტობრივად, ჩვენ შეიძლება ხცვალ გავიღვიძოთ და ჩვენმა შვილებმა ვეღარ დაინახონ საქართველო,“ - აცხადებს თეოდორე გიგნაძე.