“X-ფაქტორის“ ახალი სეზონი და ყველაზე მაღალი რეიტინგი

“X-ფაქტორის“ ახალი სეზონი და ყველაზე მაღალი რეიტინგი - მეგაშოუს სატელევიზიო ფურორი

საზოგადოება - 13:44, 11 Apr, 2017

2330

X - ფაქტორის მეოთხე სეზონი დაიწყო. მეგაშოუ სატელევიზიო სივრცეში ბევრი სიახლით დაბრუნდა. სოფო ნიჟარაძესთან და გიორგი გაბუნიასთან ერთად ჟიურიში ლელა წურწუმია და სტეფანე მღებრიშვილიც არიან წარმოდგენილნი.

აღსანიშნავია, რომ მეგაშოუს პირველმა გადაცემამ სეზონზე ყველაზე მაღალი რეიტინგი, 27% დაწერა.

მაყურებელს საშუალება ჰქონდა კონკურსანტთა მრავალფეროვანი შემოთავაზებები ეხილა. X-ფაქტორში მონაწილეობას იღებს 12 წლის თამარ ედილაშვილი, რომელიც ჟიურიმ ერთხმად მოიწონა და მეორე ტურში გადაიყვანა. მეორე ტურში გადავიდნენ 18 წლის სანდრო კურცხალიძე ბათუმიდან, გვანცა ოსიყმაშვილი იდეალური ხმითა და განსხვავებული გარეგნობით, ეკუნა ყანჩაველი, რომელმაც საკუთარი შემოქმედება წარმოადგინა მსმენელის წინაშე, მერაბ ამზოევი, რომელმაც აღფრთოვანება იდეალურ შესრულებასთან ერთად, სიმპათიურობის გამოც დაიმსახურა, ასევე მეორე ტურში გადავიდა ქართველი მორაგბე გოგონა მარიამ გოგუაძე და უნაკლო ხმის ტემბრის მქონე ოთო ღურწკაია, რომელსაც აკომპონიმენტი ჯგუფ „მძიმე ჯვარის“ წევრმა გაუწია. პირველ გადაცემაში თბილისის საკონცერტო დარბაზის დიდ სცენაზე ჯგუფი Outfronts-იც წარსდგა, რომელმაც სამხრეთ აფრიკული ჯგუფის, „KONGOS“ ჰიტი „Come with me now” შეასრულა და მეორე ტურის ბილეთიც მოიპოვა.

მეგაშოუს დასაწყისი გამორჩეული იყო მრავალი ხუმრობით, მაყურებლის განწყობაზე კი იდეალურად ზრუნავდნენ წამყვანები - რუსკა მაყაშვილი და ვანიკო თარხნიშვილი.

რაც შეეხება ნომრებს, რომლებიც მეორე ტურისთვის შესაბამისი არ გამოდგა - სცენაზე გამოვიდნენ „ყველაზე გრძელი ნოტი“ და „ინტელექტუალური ძუძუები“. მიუხედავად იმისა, რომ ეს მონაწილეები მეორე ტურში ვერ გადავიდნენ, მათ დამსწრე საზოგადოება და მაყურებელი საკმაოდ გაამხიარულეს.

მეგაშოუ ეთერში 17 აპრილს 22:00 საათზე დაბრუნდება და ასეთივე საინტერესო და მარავალფეროვან ნომრებს წარმოგვიდგენს.