დავით დეფის „სააღდგომო ლექსები“

დავით დეფის „სააღდგომო ლექსები“ - „გელით გულით“

კულტურა - 17:43, 07 Apr, 2017

2710

„ყოველ თქვენგანს გპატიჟებთ ვისაც დრო და სურვილი გაქვთ რა თქმა უნდა. გელით გულით“ - წერს სოციალურ ქსელში დავით დეფი და ფბ.მეგობრებს საღამოს 7 სათზე განსხვავებულ პოეზიის საღამოზე ეპატიჟება.

დავით დეფი: ჩემ ცხოვრებაში დიდი რამ მოხდა, საქართველოს ევანგელურ-ბაპტისტური ეკლესიის მშვიდობის კათედრალში, საღმრთო ლიტურღიისას ჩემი პოეზია იქნება გამოყენებული.

წიგნი „სააღდგომო ლექსები“ სადაც უშუალოდ სახარებისეული ეპიზოდები მაქვს აღწერილი და ნაწილი პოემისა „მეფე პოეტი“ სადაც ტექსტი ასევე სახარებისეული იდეებითაა შექმნილი, ქრისტიანული ეკლესიის, კერძოდ კი საქართველოს ევანგელურ – ბაპტისტური ეკლესიის მშვიდობის კათედრალში, საღმრთო ლიტურღიისას სასულიერო პირის მიერ, მრევლის წინაშე იქნება წაკითხული.

საღმრთო ლიტურღია – იგივე ჟამნის წირვა, მოგეხსენებათ საზოგადო ღვთისმსახურებას ნიშნავს, რომლის დროსაც წმინდა ზიარების საიდუმლო – ევქარისტია, სამადლობელი სრულდება, დიახ მეგობრებო ზუსტად ამ დროს იქნება წაკითხული ჩემი პოეზია.

ხარებას, 7 აპრილს, მშვიდობის კათედრალში 7 საათზე ჩემი პოეზიის ცოცხალი წარმოდგენა იმართება. დროს თუ გამოძებნით მინდა ამ ამბავს დაესწროთ.

წავიკითხავ ჯიბრან ხალილ ჯიბრანის "წინასწარმეტყველი"-ს ჩემივე თარგმანს, ჩემს პოემას "მეფე პოეტი" და "სააღდგომო ლექსები" - ვისაც გსურთ გელით გულით.

ტაძრის მისამართია: დიდუბე, კედიას ქუჩა 6.

მადლობა ღმერთს

დ♔სიახLOVE