"მთავარია, საქმე დაიძრას და რაღაც სინათლე გამოჩნდეს გვირაბის ბოლოს"- დარასელი გუკა რჩეულიშვილის გათავისუფლებაზე

საზოგადოება - 13:43, 06 Apr, 2017

2337

გურამ რჩეულიშვილის საპატიმროდან გამოსვლას მისი მეუღლე, ოჯახის სხვა წევრები და ახლობლები სასჯელაღსრულების N8 დაწესებულებასთან ელოდებიან.

მედიასთან კომენტარი გააკეთა “ცენტრ პოინტის” ერთ-ერთი დამფუძნებლის, რუსუდან კერვალიშვილის შვილმა ნინო დარასელმა.
მისი თქმით, ძალიან ბედნიერია, რომ "ოჯახის ერთი წევრი მაინც იქნება თავისუფლებაზე".
„გუკას გათავისუფლება აუცილებელი იყო იმისთვის, რომ “ცენტრ პოინტის” საქმეები დაიძრას და დაზარალებულებმა სახლებში შესვლა დაიწყონ... ძალიან ბედნიერი ვარ, რომ ერთი ოჯახის წევრი მაინც იქნება თავისუფლებაზე, თან ვახოს ჯანმრთელობის მდგომარეობა კარგი არ არის და მიხარია, რომ მისი შვილი გვერდით იქნება. დარწმუნებული ვარ, ჩვენ ერთად შევძლებთ იმ საქმეების წინ წაწევას, რომელიც ამ საქმესთანაა დაკავშირებული"- განაცხადა დარასელმა.
მან სასამართლოს გადაწყვეტილებაზე საუბარი არ ისურვა.
"არაფერზე აღარ მინდა საუბარი, რა იყო სწორი და რა არა. მთავარია, საქმე დაიძრას და რაღაც სინათლე გამოჩნდეს გვირაბის ბოლოს. მიხარია, რომ გუკა გამოვა და ნახავს, რომ გისოსებს მიღმა გაზაფხულია”, - განაცხადა დარასელ