გაზეთ „ქრონიკა პლიუსის“ მთავარი რედაქტორი ელისო კილაძე გელა ხვედელიძეზე თავდასხმის შემკვეთად სუს-ის ხელმძღვანელს იოსებ გოგაშვილს ასახელებს. ელისო კილაძე საქართველოს შინაგან საქმეთა მინისტრს მიმართავს და მომხდარზე დროული რეაგირებისკენ მოუწოდებს:

„ძალიან მაინტერესებს, რატომ არის დამალული შინაგან საქმეთა მინისტრი, როცა ქვეყანაში მოხდა ასეთი მნიშვნელოვანი ფაქტი და რატომ არ აკეთებს ის კომენტარებს. იმედია არ თვლის, რომ ეს სპექტაკლია ან სპექტაკლის რომელიმე მორიგი სერია. ველოდები მთავრობის რეაქციას იმ განცხადებებზე, რაც ჩემი მხრიდან გაკეთდა გუშინ. ველოდები იმას, რომ გოგაშვილი თანამდებობას დატოვებს და არა მხოლოდ დატოვებს, არამედ ის იქნება მიცემული სისხლის სამართლის პასუხისგებაში,“ - განაცხადა ელისო კილაძემ.