23 მარტს დაკავებული შოთა პაკელიანის ოჯახის წევრებმა და მეგობრებმა ისანი-სამგორის პოლიციის მე-7 განყოფილებასთან აქცია გამართეს. ისინი აცხადებენ, რომ პოლიციელებმა პაკელიანი აწამეს, ფიზიკურად გაუსწორდნენ და მის მიმართ ღირსების შეურაცხმყოფელი ქმედებები განახორციელეს. მათი განცხადებით, აღნიშნულის შესახებ შესაბამისი მტკიცებულებები და მოწმეთა ჩვენებები, არესბობს.

აქციის მონაწილეები მოითხოვენ, რომ მთავარმა პროკურატურამ გამოძიება დროულად უნდა ჩაატაროს და სამართალდამცველების მხრიდან ძალადობის ფაქტების დადასტურების შემთხვევაში, ისინი უნდა დაისაჯონ.

შეკრებილები ასევე ითხოვენ, აღნიშნულ სამართალდამცველებს შეუჩერდეთ უფლებამოსილება იმ დრომდე, ვიდრე გამოძიება არ დასრულდება და საბოლოო შედეგს არ დადებს.

შეგახსენებთ, რომ მთავარმა პროკურატურამ გამოძიება 333-ე მუხლით დაიწყო, რაც უფლებამოსილების შესაძლო გადამეტებას გულისხმობს.

(გამოყენებულია "რუსთავი 2-ის" ფოტო)