თბილისში, ლესელიძის ქუჩაზე მდებარე ერთ-ერთ ღამის კლუბში ინდოელ ტურისტებს 2 ბოთლ ლუდში 3 ათასი ლარის გადახდა მოთხოვეს და ფიზიკური შეურაცხყოფაც მიაყენეს. ტურისტები დეტალებს იხსენებენ და ჰყვებიან, რომ მათ თანხა იძულებით გადაახდევინეს და დაემუქრნენ. ტურისტებს იძულებით წაართვეს ტელეფონიც.

,,ცალკე ოთახში გაგვიყვანეს, მერე სამი ადამიანი მოვიდა. კლუბის უსაფრთხოების წარმომადგენლები არ იყვნენ. მაქსიმუმ ათი წუთი გავატარე კულბში, მივხვდი, რომ რაღაც რიგზე არ იყო. ვიფიქრეთ, ბარში ფულს გადავიხდიდითდა წავიდოდით. ბარში 3600 ლარიანი ჩეკები მოგვიტანეს, ვუთხარით რომ ჩვენ მხოლო 2 ბოთლი ლუდი გვქონდა დალეული, მაგრამ მათ გვითხრეს. რომ შამპანიურიც შეუკვეთეთო და ცალკე ოთახში გაგვიყვანეს, იმ დროს მხოლო 4 ადამიანი იყო და გვეუბნებოდნენ რომ გადაგვეხადა. ვუთხარით, რომ ჩვენ ამდენი ფული არ გვქონდა. შემოგვეხვივნენ და ჯიბეებშიც გვიყოფდნენ ხელს.“ - იხსენებს დეტალებს ტურისტი.

ძველი თბილისის რაიონის პოლიციაში ინდოელი ტურისტები დღე გიდთან ერთად მივიდნენ.

გიდი ყვება, რომ ტურისტები 31 მარტის ღამეს იმყოფებოდნენ ერთ-ერთ ღამის კლუბში, რომელიც მათ ტაქსის მძღოლმა ურჩია და მანვე მიიყვანა იქ. მისივე თქმით, მსგავსი შემთხვევების შესახებ მანამდეც სმენია.

ღამის კლუბი ,,დოლსი“-დან გამოსული უკმაყოფილო ტურისტების შესახებ ჰყვებიან მიმდებარედ განთავსებულ მაღაზიებშიც. თვითმხილველები ჰყვებიან, რომ ამგვარი ფაქტების გამო ტურისტები ხშირად საპატრულ პოლიციას მიმართავენ. მათი თქმით, ყოფილა შემთხვევა, როცა დღის განმავლობაში 5 პატრულის ეკიპაჟიც მოსულა, თუმცა უშედეგოდ.

როგორც ირკვევა პრობლემაა ასევე იქ არსებული სავალუტო ჯიხურებიც, სადაც ქართულ ენაზე სხვა კურსია დაფიქირებული, ხოლო რეალურად სხვა კურსით ხდება ფულის გადაცვალა. თუმცა სავალუტო ჯიხურის მეპატრონეები ამ ბრალდებებს უარყოფენ.

ლესელიძის 33-ში მომხდარი ინციდენტით დაინტერესდა ტურიზმის ეროვნული სააგენტო. შს სამინისტრომ ტურისტების მიერ შეტანილი განცხადების საფუძვლზე გამოძიება სისხლის სამართლის კოდექსის 179-ე მუხლით დაიწყო, რაც ძარცვას გულისხმობს.