ლიტვის დედაქალაქი ვილნიუსი საქართველოს ვიზალიბერალიზაციას განსაკუთრებულად ეხმიანება. ვილნიუსის მერმა რემიგიუს შიმაშუშმა, საქართველოს მოქალაქეებს სიურპრიზი მოუწყო, მათ ქალაქში ბანერი დახვდებათ ქართულ-ინგლისური წარწერით.

"ახლოს, ვიდრე ოდესმე" - ვკითხულობთ ქალაქში გაკრულ ბანერზე.

ბანერის ფოტოები მერმა ფეისბუკზე გამოაქვეყნა.

"გუშინ საქართველოსა და ევროკავშირს შორის უვიზო მიმოსვლა ამოქმედდა და ქართველებს უკვე თავისუფლად შეუძლიათ ევროკავშირში მოგზაურობა. მალე ვილნიუსის აეროპორტში ქუთაისიდან მგზავრები ჩამოვლენ, სადაც მათ სიურპრიზი ელით.

საქართველო - ისე ახლოს, როგორც არასდროს!" - წერს ვილნიუსის მერი ფეისბუკზე.