სურსათის ეროვნული სააგენტო პესტიციდების და აგროქიმიკატების რეალიზაციის წესებს ამოწმებს

საზოგადოება - 13:34, 27 Mar, 2017

928

სურსათის ეროვნული სააგენტოს მცენარეთა დამცველებმა კახეთის რეგიონში სარეალიზაციოდ გამოტანილი პესტიციდების და აგროქიმიკატების რეალიზაციის ადგილები მოინახულეს. სააგენტოს უფროსის მოადგილე ზურაბ ლიპარტია ლაგოდეხის მუნიციპალიტეტში, აგრარულ ბაზარსა და მიმდებარე ტერიტორიაზე პრეპარატების შენახვისა და რეალიზაციის წესებს გაეცნო.

„გახშირდა ფერმერების მხრიდან უკმაყოფილება მოხმარებული პესტიციდების და აგროქიმიკატების ხარისხთან დაკავშირებით. სურსათის ეროვნული სააგენტო აქტიურად ამოწმებს სამომხმარებლო ბაზარზე განთავსებული სასოფლო- სამეურნეო პრეპარატების ხარისხს, ასევე, რეგისტრაციისა და რეალიზაციის წესებს. უმნიშვნელოვანესია, თუ რამდენად სწორად ინახება და იყიდება პრეპარატები. ქვეყნის სხვადასხვა რეგიონში, ხშირად ყოველგვარი წესების გარეშე, ღია ცის ქვეშ იყიდება პრეპარატები, რაც დაუშვებელია. ჩვენ მოვუწოდებთ ფერმერებს, არ შეიძინონ აგროქიმიკატები და პესტიციდები იქ, სადაც არ არის დაცული პრეპარატების განთავსებისა და რეალიზაციის პირობები, რადგან არასწორად შენახვის შემთხვევაში, პრეპარატების მოქმედება არაეფექტიანია. გამოყენებისას კი, მომხმარებლებმა, სპეციალისტის კონსულტაციის გათვალისწინებით, უნდა დაიცვან შესაბამისი ვადები და მოხმარების წესები “, - განაცხადა ზურაბ ლიპარტიამ.

სააგენტოს ფიტოსანიტარებმა პესტიციდების და აგროქიმიკატების რეალიზატორებს კანონმდებლობით გათვალისწინებულ მოთხოვნებზე მიაწოდეს ინფორმაცია.

პესტიციდებისა და აგროქიმიკატების შეძენა რეკომენდებულია მხოლოდ სპეციალიზებულ მაღაზიებში. მომხმარებელი დარწმუნებული უნდა იყოს, რომნამდვილად იმ პრეპარატს ყიდულობს, რომელიც მცენარეთა დაცვის სპეციალისტმა ან აგრონომმა ურჩია. მნიშვნელოვანია ტარის შემოწმება, რომელშიცმოთავსებულია პესტიციდი. ჭურჭელი აუცილებლად ჰერმეტულად უნდა იყოს დახურული - ჭურჭლის სახურავს უნდა ჰქონდეს ხელუხლებელი დამცავირგოლი. პესტიციდის ტარაზე განთავსებული უნდა იყოს ეტიკეტი ქართულ ენაზე, სადაც მითითებულია: პრეპარატის დასახელება, მოქმედი ნივთიერება დაკონცენტრაცია, უსაფრთხო გამოყენების რეკომენდაციები, პრეპარატის შენახვის პირობები, ვარგისიანობის განსაზღვრული ვადა, მწარმოებელი ქვეყანა,სახელმწიფო რეგისტრაციის ნომერი. დაუშვებელია უეტიკეტო, საცობდაზიანებული, საეჭვო ჭურჭელში მოთავსებული პესტიციდის შეძენა.

სურსათის ეროვნული სააგენტოს მიერ მომზადდა საკანონმდებლო ცვლილებები, რაც პესტიციდების და აგროქიმიკატების სარეალიზაციო ობიექტების აღიარებას და დარღვევებზე საჯარიმო სანქციების გამკაცრებას ითვალისწინებს.

პესტიციდების მოხმარებისა და რეალიზაციის შესახებ დამატებითი ინფორმაციის მიღება შესაძლებელია შემდეგ მისამართზე:http://nfa.gov.ge/uploads/other/5/5413.pdf