მეუფე იოანე გამრეკელი აცხადებს, რომ მეუფე პეტრეს სასჯელი გაცილებით მკაცრი უნდა ყოფილიყო, თუმცა, სინოდის წევრების თხოვნით, პატრიარქმა უარი თქვა უფრო მკაცრ სასჯელზე. საუბარია მეუფე პეტრეს სხვა ეპარქიაში გადაყვანაზე, მეუფე იოანეს თქმით, მისი ავტორიტეტი მრევლის წინაშე შეილახა:

„მე მზად ვიქნებოდი რაიმე რომ მცოდნოდა, როცა არ ვიცი ვერაფერზე ვერ გავცემ პასუხს. მამა გიორგი პირადად არ ვიცნობდი, მისი სახელი-გვარი გავიგე ტელევიზიით, ამბებთან დაკავშირებით. რომც დამიბარონ, ვერაფერს ვიტყვი. ჩვენ გვაქვს ერთიანი პოზიცია, სინოდს და პატრიარქს, ჩვენ ნდობას ვუცხადებთ გამოძიებას, იმედი გვაქვს, რომ ობიექტურად და სამართლიანად გაარჩევს საქმეს. მეორე უკვე ჩვენ შეგვიძლია, რაიმე დასკვნა გავაკეთოთ.

განვიცდი იმას, რომ მეუფე პეტრე სუბიექტურად აზროვნებს, ის ესწრებოდა სინოდის სხდომას და მოისმინა ყველა წევრის აზრი. დასაბუთება მოციქულთა დროიდან, საეკლესიო სამართლის საფუძველზე, პირიქით, იქნა შეწყალებული, სასჯელი უნდა ყოფილიყო უფრო მკაცრი, მაგრამ ისევ სინოდის წევრების თხოვნით, პატრიარქმა თქვა, კარგით, ეპარქიის ჩამორთმევა არა, გადაყვანა სხვა ეპარქიაში, რადგან მისი ავტორიტეტი მრევლის წინაშე შეილახა“, - განაცხადა მეუფე იოანემ.