ტელეკომპანია რუსთავი 2-ის გენერალურმა დირექტორმა ნიკა გვარამიამ საგანგებო ბრიფინგი გამართა, რომლის ფარგლებშიც ძმები ყარამანიშვილების შეთავაზებას ტელეკომპანიის თანამშრომლებისთვის 40%-იანი წილის გადაცემის თაობაზე უარით უპასუხა.

„გაგაცნობთ რუსთავი 2-ის გუნდის პასუხს მისი დამფუძნებლის ძმები ყარამანიშვილების შემოთავაზებაზე.

ჩვენ, რუსთავი 2-ის თანამშრომლებმა განვიხილეთ ძმები ყარამანიშვილების შემოთავაზება ჩვენთვის მათი კუთვნილი 40%-იანი წილის გადმოცემის თაობაზე, მადლობას ვუცხადებთ მათ ამ შემოთავაზებისთვის, თუმცა, ამ წინადადებას ვპასუხობთ უარით“, - განაცხადა ნიკა გვარამიამ.