ე.წ. ციანიდის საქმე - მეუფე დანიელის რჩევა მედიას

საზოგადოება - 14:39, 23 Mar, 2017

2848

საჩხერისა და ჭიათურის მიტროპოლიტის, მეუფე დანიელის თქმით სინოდის წევრი გამოძიებასთან თანამშრომლობისთვის მზად არიან, თუმცა მეუფე დანიელი მედიას რჩევას აძლევს და მოუწოდებს, რომ საპატრიარქოსტან დაკავშირებით ინფორმაციის მისაღებას არა ნებისმიერ სასულიერო პირს, არამედ იმ კომპეტენტურ პირს მიმართონ, რომელსაც საპატრიარქოსთან დაკავშირებით ინფორმაციის გავრცელება თანამდებობრივად ევალება:

„ჩვენ მზად ვართ ყველანაირი თანამშრომლობისათვის, მაგრამ თქვენი მხრიდანაც უნდა იყოს ადეკვატური თანამშრომლობა, ამიტომ მე გაძლევთ რჩევას, რომ ინფორმაცია ყოველთვის მიიღოთ არა ნებისმიერი სასულიერო პირისაგან, თუნდაც სინოდის წევრისაგან, არამედ იმისგან, ვისაც აქვს დელეგირება. ეს არის საეკლესიო ტრადიცია, ნუ მოვთხოვთ ეკლესიას, რომ მან თავის წიაღში, რომელიც არის მრავალსაუკუნოვანი, შემოიტანოს სამოქალაქო საზოგადოების წესები და ნორმები. სამოქალაქო საზოგადოებაში ყველა ადამიანის აზრი არის საინტერესო და გასათვალისწინებელი, იგივე დამოკიდებულება არ უნდა იყოს ეკლესიაში. თქვენ უნდა მიმართოთ ეკლესიის იმ სტრუქტურას, რომელიც გამოთქვამს ეკლესიის აზრს.“- განაცხადა მეუფე დანიელმა.