რუსთავის მერმა ძლიერი ქარის შედეგად დაზიანებული კორპუსები დაათვალიერა

საზოგადოება - 20:30, 20 Mar, 2017

1055

ძლიერმა ქარმა რუსთავში, სპორტის #2-თან ორი ფიჭვის ხე მოგლიჯა. ადგილზე მობილიზებულნი არიან მერიის ააიპ „უზრუნველყოფის" სამსახურის თანამშრომლები, რომლებიც ქარისგან მოგლეჯილი ხისგან გზის სავალ ნაწილს ათავისუფლებენ.
ქარმა პრობლემები შექმნა საცხოვრებელ კორპუსებშიც, რამდენიმე მისამართზე სახურავია დაზიანებული. განსაკუთრებით მძიმე მდგომარეობაა მაიაკოვსკის ქუჩაზე, სადაც ქარმა საცხოვრებელ სახლს სახურავი გადახადა.სიტუაციის ადგილზე შესწავლის მიზნით, აღნიშნულ კორპუსთან რუსთავის მერი დავით ჯიქია მივიდა. ,,ძლიერი ქარის გამო ქალაქში გარკვეული პრობლემები შეიქმნა , განსაკუთრებით ცუდი ვითარებაა მაიაკავსკის 21 ნომერში, აქ როგორც ხედავთ ქარმა ფაქტიურად მთლიანად ახადა სახურავი. მერიის ინფრასტრუქტურის და კეთილმოწყობის სამსახურების თანამშრომლები ყველა იმ მისამართს გადაამოწმებენ, საიდანაც ცხელ ხაზზე ინფორმაცია შემოვა და გადაწყვეტილებას ზარალის დათვლის შემდეგ მივიღებთ. კონკრეტულად ამ მისამართზე ზომები სასწრაფოდ იქნება მისაღები."-განაცხადა რუსთავის მერმა.
ძლიერი ქარი რუსთავში დაახლოებით 2 საათია რაც გრძელდება. ამ დროისთვის არსებული ინფოფრმაციით, რუსთავის მერიის ცხელ ხაზზე 7 შეტყობინებაა შემოსული. ძლიერი ქარის შედეგად დაზიანებული ელექტროსადენების გამო, ელექტროენერგიის მიწოდება შეწყვეტილი აქვს მე-12, მე-17, მე19 მიკრორაიონებს და მიმდებარე კერძო დასახლებას. ელექტროგადამცემი ბოძია წაქცეული ტურგენევისა და ქუჩიშვილის ქუჩების კვეთაზე