18 მარტს, 12:00 საათზე დედაენის ბაღში 26-ე სკოლის მოსწავლეების ორგანიზებით, თბილისის მერიის განათლების, სპორტისა და ახალგაზრდულ საქმეთა საქალაქო სამსახურის, „ჰელფინგ ჰენდ-ის“, ასევე გოგა ჩანადირის აქტიური მხარდაჭერით, გაიმართება საქართველოში წარმოებული პროდუქტის გამოფენა-გაყიდვა.

ღონისძიება მიზნად ისახავს საქართველოში დამზადებული პროდუქტების პოპულარიზებას. გამოფენაში მონაწილეობას მიიღებენ ცნობილი და დამწყები ქართული კომპანიები და ადამიანები, რომელთა შესახებაც ძალიან ცოტამ თუ იცის. გამოფენის პარალელურად გაიმართება ქართული ხალხური სიმღერისა და ცეკვის კონცერტი.

2016 წლის ნოემბრიდან ქ. თბილისის მუნიციპალიტეტის მერიის განათლების, სპორტისა და ახალგაზრდულ საქმეთა საქალაქო სამსახურის მხარდაჭერით ჰელფინგ ჰენდ-ი ახორციელებს პროექტს “მოსწავლეებში ანალიტიკური, კრიტიკული და კრეატიული უნარ-ჩვევების გაუმჯობესება სასკოლო ოლიმპიადის გზით“. პროექტში მონაწილეობას იღებს თბილისის 20 საჯარო სკოლის 20 პედაგოგი და 208 მოსწავლე.

ღონისძიება დაიწყება 12:00 საათზე და გაგრძელდება 17:00 საათამდე.

საკონტაქტო ინფორმაცია: 555150515 მარიამ არახამია; 551143595 თინათინ მესხი