თემურ მეტრეველის მეგობრებისა და „ომეგა ჯგუფის“ ინიციატივით, ქართული ჟურნალისტიკის დღე აღინიშა

საზოგადოება - 21:31, 16 Mar, 2017

2218

პირველი ქართული პოლიტიკური და ლიტერატურული ჟურნალის, ილია ჭავჭავაძის „ივერიის“ გამოცემის 140-ე წლისთავი ინტელიგენციის წარმომადგენლებმა და ჟურნალისტების ნაწილმა მცხეთაში, ილიას ძეგლთან აღნიშნეს და აწ განსვენებული ჟურნალისტის, თეიმურაზ მეტრეველის იდეა, რომ 16 მარტი ქართული ჟურნალისტიკის დღე გამოცხადდეს, კიდევ ერთხელ გააცოცხლეს.

აღსანიშნავია, რომ თემურ მეტრეველი, რომელიც სიცოცხლის ბოლო წლებში გაზეთ „აქალი ეპოქის“ რედაქტორი იყო, 16 მარტს, მეგობრებსა და სტუდენტებთან ერთად, სწორედ მცხეთაში, ილიას ძეგლთან მიდიოდა და ერის უგვირგვინო მეფეს იხსენებდა და გამოდიოდა ინიციატივით, რომ ქართული ჟურნალისტიკის დღე 21 კი არა, არამედ, 16 მარტს აღნიშნულიყო.

დღეს თემურ მეტრეველის გზა, მრავალწიანი პაუზის შემდეგ, გარდაცვლილი ჟურნალისტის მეგობრებსა და ახლობლებთან ერთად, გურამ თავართქილაძის სასაწავლო უნივერსიტეტისა და კავკასიის საერთაშორისო უნივერისტეტის ჟურნალისტიკის ფაკულტეტის სტუდენტებმაც გაიარეს.

ღონისძიებაში, რომელიც „ომეგა ჯგუფის“ მხარდაჭერით და ინიციატივით გიმართა, თეიმურაზ მეტრეველის მეგორები და კოლეგები - ჯემალ კასრაძე, დათო ჭელიძე, მანანა მაზიაშვილი, როსტომ ჩხეიძე, ანდრო ბედუკაძე, ნანა ცინცაძე, თამრიკო თათარაშვილი, ვანო ჯაფარიძე და სხვები მონაწილეობდნენ.

მცხეთაში, ილიას ძეგლთან, თეიმურაზ მეტრეველის მეუღლე ლია მეტრეველიც იმყოფებოდა, რომლის თქმითაც, ამ დღის აღნიშვნა პირველად სწორედ თეიმურაზ მეტრეველის ინიციატივით დაიწყო.

დღესვე, თეიმურაზ მეტრეველის მეგობრებმა და სტუდენტებმა საგურამოში, ილია ჭავჭავაძის სახლ-მუზეუმიც მოინახულეს.