გამოძიებამ კიდევ ერთი პირი დაკითხა, რომელსაც მამა გიორგი მამალაძემ მომწამვლელი ნივთიერება სთხოვა

საზოგადოება - 00:29, 10 Mar, 2017

10286

„მე მზად ვარ, დნმ-ის ანალიზი ჩატარდეს, რომ მე იარაღთან არანაირი შეხება არ მქონია“ - აცხადებს განსხვავებული აქცენტების ეთერში ჟურნალისტი ირაკლი მამალაძე ე.წ. ციანიდის საქმეში არსებულ ერთ-ერთ ნივთმტკიცებულებაზე.

მამალაძე ამბობს რომ დეკანოზი არის მისი ძმისშვილის ნათლია და სხვა ნათესაური კავშირი მასთან არ გააჩნია.

მისი თქმით, დეკანოზთან თანამშრომლობა მას შემდეგ დაიწყო, როცა საპატრიარქოში ქონების მარვის სამსახურში გადმოიყვანეს. ,,მე ის მაძლევდა კონკრეტლ ქეისებს მაღალი სასულიერო პირების შესახებ“.

მან აღნიშნა, რომ თეოდორე ჭუაძესთან დაკავშირებული ინფორმაციაც მის მიერ მიწოდებულ ფაქტებზე დაყრდნობით ჰქონდა.

რაც შეეხება დეკანოზის წერილს, ის ამბობს, რომ წერილი არ წაუკითხავს, თუმცა ზოგადი შინაარსი იცის.

ირაკლი მამალაძის განცხადებით, ის პატრიარქის დაცვის ყოფილ უფროსს სოსო ოხანაშვილს რამდენჯერმე შეხვდა.

რატომ მიმართა დეკანოზმ ირაკლი მამალაძეს ციანიდის საშოვნელად.

,,ჩვენ გვქონდა ახლო ურთიერთობა და ის როგორც ჟურნალიტს ისე არ მესაუბროებოდა ციანიდთან დაკავშირებით.“

მამალაძე ამბობს, რომ გამოძიებამ კიდევ ერთი პირი დაკითხა, რომელსაც მამა გიორგი მამალაძემ მომწამვლელი ნივთიერება თხოვა.

„მამა გიორგისთან მე მქონდა ძალიან ახლო დამოკიდებულება და მისთვის არ აღვიქმებოდი როგორც მხოლოდ ჟურნალისტი, ერთ-ერთი შეხვედრისას მან ფურცელზე დამიწერა, რომ ესაჭიროებოდა კალიუმის ციანიდი. არ მიკითხავს რატომ ჭირდებოდა. მას კაზრეთიდან აინტერესებდა ეშოვა. ეს ნივშითერება შეუძლია ,,არემჯიში“ ჩვეულებრივ მუშაც იშოვოს.“ - განაცხადა ირაკლი მამალაძემ.

მისი თქმით, მამა გიორგი მამალაძემ ციანიდი თავდაპირველად 23 იანვარს სთხოვა. როგორც ის აცხადებს, მან თავიდანვე დაინახა საფრთხე და დეკანოზის მიერ ფურცელზე დაწერილი სიტყვა - ციანიდი მტკიცებულებად შეინახა. რამდენიმე დღეში კი, ადვოკატ ირმა ჭკადუასთან მივიდა და სთხოვა გაეფრთხილებინა საპირისპირო მხარე, რათა ცუდი არაფერი მომხდარიყო და მოსალოდნელი საფრთხე თავიდან აერიდებინათ.

მამალაძე ამბობს, რომ ის არ იყო დარწმუნებული იგეგმებოდა თუ არა პატრიარქის მოწამვლა

„მე თავიდან მეგონა, რომ მეუფე იაკობის მოწამვლა უნდოდათ. ეს ადამიანები იყვნენ რადიკალურად დაპირისპირებული მეუფე იაკობთან, თეოდორე ჭუაძესთან, შორენა თეთრუაშვილთან და აქედან გამომდინარე, ვერანაირად ვერ ვიფიქრებდი პირველ ეტაპზე, რომ ეს რამენაირად პატრიარქის წინააღმდეგ იყო მიმართული,“ - განაცხადა ირაკლი მამალაძემ.

,,ირმა ჭკადუამ მითხრა, მე აღარ დამელაპარაკო, თუ რამე მოხდება შენს სინდისზე იყოსო“ -აცხადებს ირაკლი მამალაძე.

მისი თქმით, პროკურატურას უთხრა, რომ მაღალ სასულიერო პირს ან საქართველოს კათოლიკოს პატრიარქს საფრთხე ემუქრებოდა. ირაკლი მამალაძე სასულიერო პირის ქმედების სავარაუდო მოტივად კარიერულ წინსვლას და არსებულ დაპირისპირებას ასახელებს.