საუკუნის მატჩი კამპ ნოუზე: 6:1 - "ბარსელონამ" "პსჟ" გაანადგურა

სპორტი - 02:40, 09 Mar, 2017

7188

კამპ ნოუზე რამდენიმე წუთის წინ ისტორიული მატჩი დასრულდა. "ბარსელონამ" ჩემპიონთა ლიგის 1/8 ფინალის განმეორებით მატჩზე "პსჟ"-ს უმასპინძლა და გამანადგურებელი ანგარიშით 6:1 დაამარცხა.

მატჩის მოლოდინი დიდი იყო, რადგან პირველი მატჩი ლუის ენრიკეს გუნდმა 4:0 წააგო. შესაბამისად, ბარსას მეოთხედფინალში გასასვლელად თამაში 5 ბურთიანი სხვაობით უნდა მოეგო.
ანგარიში პირველივე ტაიმში მე-3 წუთზე სუარესმა გახსნა. პირველი ტაიმის მიწურულს სხვაობა ორამდე გაიზარდა.
50-ე წუთზე კი პენალტი ლეო მესიმ ზუსტად გამოიყენა. 62-ე წუთზე ედინსონ კავანიმ ბარსელონას კარში გოლი შეაგდო და ამით პსჟ-ს მეოთხედფინალში გასვლა თითქოს გაუნაღდა.განსაკუთრებით დაძაბული და სანახაობრივი აღმოჩნდა მატჩის ბოლო წუთები. შეხვედრის 88-ე წუთზე ნეიმარმა შესანიშნავად შეასრულა საჯარიმო და ანგარიში 4:1 გახადა. დარჩენილ დროში კატალონიელებს კიდევ 2 გოლი სჭირდებოდათ. 89-ე წუთზე თერთმეტმეტრიანი დაინიშნა ლუის სუარესის სასარგებლოდ. პენალტი ბრწყინვალედ შეასრულა ნეიმარმა და 90-ე წუთზე ანგარიში 5:1 გახდა.

დაძაბულ შეხვედრას არბიტრმა 5 წუთი დაამატა. გადამწყვეტი მე-6 გოლი სწორედ დამატებით 95-ე წუთზე გავიდა. ნეიმარის ჩაწოდება სერხი რობერტომ გოლით დააგვირგვინა და საბოლოო ანგარიშიც დააფიქსირა.
ბარსელონას ფეხბურთელებმა ბოლო 7 წუთში სამი გოლის გატანა მოახერხეს და ისტორიაც დაწერეს.

ბარსელონა გახდა პირველი გუნდი, რომელმაც , ჩემპიონთა ლიგის ისტორიაში, პირველად ოთხბურთიანი უპირატესობა დაძლია.
ბარსელონა ჩემპიონთა ლიგის მეოთხედფინალშია.