ფერნანდო ტორესმა საავადმყოფო დატოვა - ფეხბურთელის სიცოცხლეს საფრთხე არ ემუქრება(ფოტო)

სპორტი - 17:28, 03 Mar, 2017

3674

გუშინ მიღებული ტრავმის შემდეგ, მადრიდის "ატლეტიკოს" ფეხბურთელმა ფერნანდო ტორესმა საავადმყოფო დატოვა.
ამის შესახებ ინფორმაცია კლუბის ოფიციალურ გვერდზე გავრცელდა, მოგვიანებით კი ინტერნეტში ფოტოებიც გამოჩნდა, როგორ ტოვებს ტორესი ჰოსპიტალს.ექიმების თქმით, მას 48 საათიანი დასვენება სჭირდება.

შეგახსენებთ, ლა ლიგაზე, მადრიდის ატლეკოსა და დეპორტივოს მატჩზე , ფერნანდო ტორესმა თავის ტრავმა მიიღო და სასწრაფოდ საავადმყოფოში გადაიყვანეს.

მოედანზე ერთმანეთს ტორესი და დეპორტივოს ალექს ბერგანტინოსი დაეჯახნენ.

ფეხბურთელი მომენტალურად გაითიშა, რამაც მოედანზე დიდი დაბნეულობა გამოიწვია.სამედიცინო პერსონალის მისვლამდე ტორესის დახმარება თავად ფეხბურთელებმა სცადეს. ფეხბურთელი გონზე საავადმყოფოში მოვიდა.

„შეჯახებისას საშინელი ხმა გავიგეთ, ფერნანდო გონებადაკარგული დაეცა, ძალიან შეგვეშინდა. არ ვიცოდით ეს ფერნანდოს კისრის ტრავმისგან გამოწვეული ხმაური იყო თუ არა“ - განაცხადა პრესკონფერენციაზე ატლეტიკოს მწვრთნელმა დიეგო სიმეონემ.

ატლეტიკომ მატჩი 10 მოთამაშით დაასრულა. შეხვედრა ფრე 1:1 დასრულდა.

„მატჩის შედეგზე აღარ ვღელავდი. მინდოდა მცოდნოდა, რა დაემართა ფერნანდოს. იმედი მაქვს, მალე დაგვიბრუნდება“ - განაცხადა გრიზმანმა.

„ამ ყველაფრის ნახვა საშინელება იყო, მაგრამ ყველაზე მნიშვნელოვანი ის არის, რომ ფერნანდო ახლა კარგად არის“ - განაცხადა ატლეტიკოს კიდევ ერთმა ფეხბურთელმა ლუის ფილიპემ.