"ჩემი ერთ-ერთი უმთავრესი ოცნებაა, რომ მამა გიორგი მამალაძე იყოს უდანაშაულო"- მეუფე დიმიტრი

საზოგადოება - 11:11, 03 Mar, 2017

17711

ბათუმისა და ლაზეთის მიტროპოლიტი, მეუფე დიმიტრი გუშინ მედიის წარმომადგენლებს შეხვდა და ეკლესიაში მიმდინარე პროცესებზე და ე.წ „ციანიდის საქმეზე“ ისაუბრა. მეუფე დიმიტრის თქმით ის ვერსიების გამოთქმისგან თავს იკავებს, იმ საბაბით, რომ გამოძიებას ხელი არ შეეშალოს.როგორც მიტროპოლიტი აცხადებს მისი ერთ-ერთი უმთავრესი ოცნებაა რომ „ციანიდის საქმეზ“ დაკავებული დეკანოზი უდანაშაულო იყოს:

„ვცდილობ, თავი შევიკავო რაღაცა ვერსიებისგან, რადგან შეიძლება, ხელი შევუშალო გამოძიებას, თუმცა, მე მინდა, რომ ეს ყველაფერი იყოს ტყუილი და მე მინდა, ის იყოს უდანაშაულო, რაც ჩემი ერთ-ერთი უმთავრესი ოცნებაა.“- განაცხადა მეუფე დიმიტრიმ.

მიტროპოლიტმა იმ წერილზეც ისუაბრა, რომელიც დეკანოზ მამალაძის სახელით გავრცელდა და რომელიც საპატრიარქოში არსებულ ვითარებას ეხებოდა:

მამა გიორგიმ მითხრა, რომ "ჩვენ გავამზადეთ რაღაც ერთგვარი მოხსენება საპატრიარქოზე სხვადასხვა, თავის დროზე გადაცემულ ტერიტორიებზე, მიწებზე და ა.შ. მე იურიდიული მოუწესრიგებლობა უფრო დავინახე... შინაარსი დაახლოებით მითხრა, მაგრამ წერილი არ წამიკითხავს, ის ემზადებოდა სინოდისთვის, მე რამდენადაც ვარ საქმის კურსში, ეს წერილი გადასცა პატრიარქს და თუ არ გადასცა, არც ამის პრობლემა არ ჰქონდა მას, რადგან ის საკმაოდ დაახლოებული იყო პატრიარქთან და მე ვიტყოდი, რომ შეიძლება, ჩვენზე უფრო მეტადაც შეეძლო მასთან შესვლა, ურთიერთობა და სიახლოვე.“- აღნიშნა მეუფე დიმიტრიმ.