ყველასთვის საყვარელი სერიალი “ჩემი ცოლის დაქალები“ რამდენიმე დღეში მაყურებელს უბრუნდება. ახალი სეზონი 4 მარტიდან იწყება. როგორც „ნიუპოსტისთვის“ გახდა ცნობილი სერიალს გიორგი ბახუტაშვილი და ბახვა ბრეგვაძე დაუბრუნდებიან.

ირაკლი საღინაძე, პროდიუსერი: ახალი მსახიობებიც გვეყოლება, ძველიც იქნება... ბევრი სიახლეა „ჩემი ცოლის დაქალებში“, რამდენიმე ხაზი არის სერიაში, შესაბამისად რაღაც დასრულდება რაღაც უფრო გააქტიურდება.

-ბევრისთვის საყვარელი გმირი ცოტნე ცოტაშვილი ბრუნდება და მღვდლის როლს განასახიერებსო, მართალია?

-არა, არ არის მართალი... ბრუნდება, მას ახალი იმიჯი ექნება, მაგრამ ჯერ მხოლოდ ერთ სერიაში ითამაშებს. ვნახოთ რა და როგორ იქნება, იმედის კონტრაქტორია , იმედი უშვებს რომ ერთ სერიალში ითამაშოს. მერე ვნახოთ თუ მოხერხდა მოლაპარაკება შემდეგაც გაგრძელდება.

-ბახვა ბრეგვაძეც ბრუნდება?

-ბახვაც, შესაბამისად.

-ახალი სახეებისთვის რატომ არ გაქვთ ხოლმე ქასთინგი? როგორც ვიცი ძალიან ბევრი მსურველია, რომელსაც თქვენთან მოხვედრა სურს

-არა, ეგრე არ ხდება, ეს ნიშნავს რომ გაცნობაში უნდა გავატაროთ დრო და არა სერიალის გადაღებაში და ამის დრო არ არის. თუ ვინმე ახალი პერსონაჟი გაჩნდა არის მხოლოდ შიდა მინი კასთინგებით მოსული.