„ხელოვნური სუნთქვა“ - სერიალი, რომელმაც, ბევრი მაყურებლის მოწონება დაიმსახურა, მაგრამ რამდენიმე თვეში ტელეეკრანებიდან გაქრა, ისევ ხალხის ინტერესს იწვევს.

დაბრუნდება თუ არა სერიალი ეკრანებზე და როდის მოხდება ეს? მაყურებლის ინტერესის დასაკმაყოფილებლად „ნიუპოსტი“ სერიალის პროდიუსერს ირაკლი საგინაძეს დაუკავშირდა.

ირაკლი საგინაძე: ამ ეტაპზე შეფერხებებია, იმ კომპანიასთან, ვისთანაც მოვილაპარაკეთ და შესაბამისად ეხლა მიდის მუშაობა ბევრი მიმართულებით.

-ანუ მოილაპარაკეთ და პირობა არ შესრულდა?

-ხელშეკრულება გაფორმდა და შემდეგ მათი მხრიდან არ შესრულდა პირობები, ამიტომაც იძულებულები გავხდით რომ გავჩერებულიყავით.

-გავრცელდა ინფორმაცია „ხელოვნური სუნთქვა“ შეიძლება ფილმადაც გამოვიდესო...

-ეს იმ შემთხვევაში თუ სერიალს ვერ გავაგრძელებდით, რადგან იმ კითხვებზე, რომელიც მაყურებელს გაუჩნდა, პასუხი გაგვეცა.