სოსო ოხანაშვილი არ გამორიცხავს, რომ ირაკლი მამალაძეს ფარული ჩანაწერები მისი მონაწილეობითაც ჰქონდეს გაკეთებული. ამის შესახებ პატრიარქის პირადი დაცვის ყოფილმა უფროსმა „არჩევანის“ პირდაპირ ეთერში ისაუბრა:

„ირაკლი მამალაძეს არ ვიცნობ, ერთხელ შევხვდი, მამა გიორგი მამალაძემ მთხოვა მასთან შეხვედრა და ეს იყო ან დეკემბრის ბოლოს ან იანვრის დასაწყისში. დეტალებს ვერ ვიხსენებ, ვიკითხე ეს ვინ არის-მეთქი და მამა გიორგიმ მითხრა ჩემი მეგობარიაო. არ გამოვრიცხავ, რომ ჩემი ჩანაწერიც გაეკეთებინა, ძირითადი რაზეც შეიძლება ჩაწერილი ვყავდე არის ის, რომ ვიღაცვიღაცებს ვაყენებდე სიტყვიერ შეურაცხყოფას, მახსოვს, რომ აქტიურობდა და ცდილობდა საუბარს“, - განაცხადა ოხანაშვილმა.