დღეს გამოქვეყნებულ ვაიბერმიმოწერაზე კომენტარს აკეთებს ჭყონდიდის მიტროპოლიტი. რამდენიმე საათის წინ გავრცელდა მიმოწერა, სადაც მეუფე პეტრეს უცნობი პირი აფრთხილებს იმის შესახებ, რომ მის წინააღმდეგ მზადდება პროვოკაცია. აღნიშნულ თემაზე განმარტება მეუფემ ტელეკომპანია „ტვ პირველის“ პირდაპირ ეთერში, გადაცემა „რეაქციაში“ გააკეთა:

„ვერაფერს ვიტყვი, შეიძლება სამი ვარიანტი განვიხილო, მღვდელმთავრებთანაც მქონდა საუბარი, პირველი შეიძლება ყოფილიყო შანტაჟი, ან რუხი კარდინალისგან, ან ხელისუფლებისგან ან ორივესგან ერთად. შესაძლოა ყოფილიყო პროვოკაცია ოპოზიციური ძალებისგან, რასაც გამოვრიცხავ და მესამე ეს შეიძლება ყოფილიყო რეალობა, დრო გვიჩვენებს“, - განაცხადა მეუფე პეტრემ.