“პანცილიონი“ - ქართული წარმოების ავეჯი ევროპული ხარისხით...

საზოგადოება - 15:16, 28 Feb, 2017

9132

ჯერ კიდევ 7-8 წლის წინ, ქართველი მომხმარებელი სკეპტიკურად იყო განწყობილი საქართველოში დამზადებული ავეჯის მიმართ. თუმცა, ბოლო წლებში ეს მაჩვენებელი მკვეთრად შემცირდა, მომხმარებელს გაუჩნდა ნდობა და შესაბამისად, სურვილი, შეიძინოს ქართული ავეჯი. აქედან გამომდინარე, ბოლო წლებში ადგილობრივ ბაზარზე საკმაოდ დიდი მოთხოვნაა ქართული წარმოების ავეჯზე.

ავეჯის კომპანია “ პანცილიონი“ ერთ-ერთი მოწინავე კომპანიაა, რომელიც ავეჯს უკვე ათეული წელია აწარმოებს. “პანცილიონის“ პირველი საწარმო 2007 წელს გაიხსნა.

“პირველი საწარმო 2007 წელს გავხსენით და თავიდან მხოლოდ ლეიბების წარმოებით დავიწყეთ. სულ 2 სახეობის ლეიბის დამზადების შესაძლებლობა გვქონდა, ახლა კი საწარმოში 15-მდე სახეობის ლეიბი მზადდება და ამას გარდა, თუ მომხმარებელი მოითხოვს, შეგვიძლია არასტანდარტული მატრასებიც დავამზადოთ. 2008 წლიდან რბილი ავეჯის წარმოებაც დავიწყეთ, ხოლო 2016 წლიდან ნებისმიერი ტიპის ავეჯი შეგვიძლია დავამზადოთ - საძინებლები, სამზარეულოები, მისაღები ოთახები და ა.შ", - აცხადებს კომპანია "პანცილიონის" პიარისა და მარკეტინგის სამსახურის უფროსი მარიამ ბანცური.

მისი თქმით, “პანცილიონის“ საწარმოში დამზადებული ნებისმიერი სახის ავეჯი ხარისხიანი, კომფორტული, გამძლე, დახვეწილი დიზაინისა და თანამედროვეა. შესაბამისად, „პანცილიონის“ მომხმარებელი ქართული ხშირ შემთხვევაში ადგილობრივი წარმოების ავეჯს, ხშირად ევროპულსაც კი ამჯობინებს. მით უმეტეს, რომ ამ მხრივ ფასებიც ლოიალურია და “პანცილიონის“ შოურუმებში მაღალი ხარისხის ქართული ავეჯის შეძენა საკმაოდ ხელმისაწვდომ ფასადაა შესაძლებელი.

“ჩვენს საწარმოში ავეჯი იმავე ტექნოლოგიით მზადდება, რასაც ევროპელი მეწარმეები იყენებენ. ავეჯის საწარმოებლადაც იგივე მასალა ვიყენებთ, რაც ევროპის ნებისმიერ ქვეყანაში. ჩვენ ვირჩევთ მაქსიმალურ ხარისხს მისაღები ფასის პირობებში. ასე რომ, განსხვავება ქართულ და ევროპულ ავეჯს შორის მხოლოდ მწარმოებელ ქვეყანაშია“ - აცხადებს მარიამ ბანცური.

მისი ინფორმაციით, კომპანია “პანცილიონი“ გაზაფხულიდან მეორე საწარმოს ხსნის და საფრანგეთსა და ბელგიაში ავეჯის ექსპორტს იწყებს.

"ახალი საწარმო სავარაუდოდ გაზაფხულზე გაიხსნება და იგი იქნება გაცილებით დიდი და უფრო თანამედროვე დანადგარებით აღჭურვილი. რაც მთავარია, გაიზრდება წარმადობა და ამასთანავე შეიქმნება კიდევ უფრო მეტი სამუშაო ადგილი. ახალი საწარმოს გახსნა განაპირობა ჩვენს ნაწარმზე გაზრდილმა მოთხოვნამ და იმ ფაქტმა, რომ გაზაფხულიდან ჩვენი ნაწარმი იმპროტზე გაგვაქვს საფრანგეთსა და ბელგიაში", - აღნიშნავს მარიამ ბანცური.

კომპანია "პანცილიონი" ქართულ ბაზარზე 15 წელია არსებობს და ამ დროისთვის დედაქალაქში წარმოდგენილია სამი მაღაზიით: ჯავახეთის ქ. 69-ში, ერისთავის ქ. 1-ში და აღმაშენებლის ხეივანი მე-12 კმ, 599873842