ჭყონდიდელი მიტროპოლიტის მხრიდან მისი მისამართით გაჟღერებულ ბრალდებებს საპატრიარქოს ქართული უნივერსიტეტის სამეთვალყურეო საბჭოს თავმჯდომარემ გიორგი ანდრიაძემ უპასუხა. ანდრიაძე ცილისწამებას უწოდებს მეუფე პეტრე ცაავას მიერ გაკეთებულ განცხადებას იმასთან დაკავშირებით , რომ ის კომერციულ მაქინაციებში იყო ჩართული და პპირობას დებს, რომ ამ ბრალდებების 1%-ის დამტკიცების შემთხვევაშიც კი ის მზადაა საპატრიარქოში ყველა თანამდებობა დატოვოს:

„გუშინ მეუფე პეტრემ გაავრცელა ცილისწამების კორიანტელი. ეტყობა, არც მეშვიდე მცნება იცის – ცილი არ უნდა დასწამო, არც ის იცის, რომ ტყუილს მოკლე ფეხი აქვს. თუ ერთი პროცენტი მაინც იქნება სინამდვილე რაც გუშინ იბოდიალა პირდაპირ ეთერში მეუფე პეტრემ, მე აქ ბევრი თანამდებობა მაქვს და ყველას დავტოვებ.“- განაცხადა ანდრიაძემ.