GWP-ის სპეციალური განცხადება: ვაკე-საბურთალოს რაიონს დღეს წყალმომარაგება შეუწყდება

საზოგადოება - 13:30, 26 Feb, 2017

6094

ვაკის რაიონში, თამარაშვილის ქუჩაზე, კომპანია ,,ჯორჯიან უოთერ ენდ ფაუერის“ მაგისტრალური წყალსადენის ქსელი ავარიულად დაზიანდა.

ამ დროისთვის, ადგილზე მობილიზებულია კომპანიის ტექნიკური ჯგუფები და დაზიანების აღსადგენად, სადიაგნოსტიკო-მოსამზადებელი სამუშაოები მიმდინარეობს.

აღნიშნული სამუშაოების წარმოებისთვის, რამდენიმე საათის განმავლობაში, მაგისტრალური ქსელის წყლისგან დაცლაა აუცილებელი, რის გამოც დღეს, 26 თებერვალს, 13:00 საათიდან, საღამოს 23:00 საათამდე, წყალმომარაგება შეეზღუდება:

ვაკის რაიონში:

თამარაშვილის, გ. სვანიძის, გაბაშვილის, ყიფშიძის, წყნეთის და უნივერსიტეტის ქუჩებს, ჭავჭავაძის გამზირის ნაწილს.

საბურთალოს რაიონში: საბურთალოს, კარტოზიას, შევარდენიძის ქუჩებს და საირმის გორას.

წყალმომარაგების შეწყვეტისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით მიაწოდებს. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით - http://www.gwp.ge

„ჯორჯიან უოთერ ენდ ფაუერი“ დისკომფორტისთვის ბოდიშს უხდის მომხმარებლებს და შეეცდება, სამუშაოების ჩატარება მოკლე დროში დაასრულოს.