ESIDA-ს დაფინანსებით ნიკო მუსხელიშვილის სახელობის გამოთვლითი მათემატიკის ინსტიტუტს სრული რეაბილიტაცია ჩაუტარდა

განათლება - 17:00, 23 Feb, 2017

3323

საქართველოს ტექნიკური უნივერსიტეტის ნიკო მუსხელიშვილის სახელობის გამოთვლითი მათემატიკის ინსტიტუტს სრული რეაბილიტაცია ჩაუტარდა. ESIDA-მ ( სსიპ საგანმანათლებლო და სამეცნიერო ინფრასტრუქტურის განვითარების სააგენტო) დაფინანსების ფაგლებში 3 304 286 ლარი გამოყო. თანამედროვე სტანდარტების სამეცნიერო-კვლევით დაწესებულებაში გამოთვლითი მათემატიკის ინსტიტუტი და ბირთვული ინჟინერიის ცენტრი განთავსდება, რომელიც აღჭურვილი იქნება უახლესი ტექნიკით.

გამოთვლითი მათემატიკის ინსტიტუტი ერთ-ერთია იმ 15 დაწესებულებას შორის, რომლებიც განათლებისა და მეცნიერების სამინისტროს რეფორმის შედეგად, საქართველოს ტექნიკურ უნივერსიტეტთან ერთიანი სამეცნიერო კვლევებისთვის ერთიანდება. უახლესი კომპიუტერული სისტემა კლასტერი რომელიც პირველ სართულზე დამონტაჟდება, საშუალებას მისცემს ქართველ მეცნიერების ცერნის (-ატომური კვლევების ევროპული ორგანიზაცია,) პროექტებში ჩართულობას. პროექტის მიხედვით, მეორე-მესამე სართულებზე მოეწყობა თანამედროვე აუდიტორიები, სააქტო დარბაზი და ბიბლიოთეკა რაც მეცნიერებს საშუალებას მისცემს, დარგში არსებული სიახლეების შესახებ სემინარები ჩაატარონ . #ESIDA #უნივერსიტეტებისრეაბილიტაცია.