პატრიარქის ჩამობრძანების მიუხედავად, საპატრიარქოში სიტუაციას კვლავ ყველაზე დიდი დამნაშავე ქალბატონი მართავს

პატრიარქის ჩამობრძანების მიუხედავად, საპატრიარქოში სიტუაციას კვლავ ყველაზე დიდი დამნაშავე ქალბატონი მართავს - მეუფე პეტრე

საზოგადოება - 11:20, 23 Feb, 2017

12118

ჭყონდიდის მიტროპოლიტი პეტრე ცაავა აცხადებს, რომ "საქართველოში პატრიარქის ჩამობრძანების მიუხედავად, საპატრიარქოში სიტუაციას კვლავ ყველაზე დიდი დამნაშავე ქალბატონი მართავს".

მისი თქმით, აუცილებელია გამოძიების ობიექტურად წარმართვისთვის “ქალბატონი” ჩამოშორდეს პროცესებს.
ჭყონდიდის მიტროპოლიტი აღნიშნავს, რომ პატრიარქს მამა გიორგი მამალაძესთან შეხვედრის სურვილი ჰქონდა. მეტიც მეუფე პეტრე აღნიშნავს, რომ უწმინდესს სურდა რომ დაკავებული დეკანოზი თავდებით გაეთავისუფლებინათ.

“საქართველოში პატრიარქის ჩამობრძანებიდან სიტუაციას საპატრიარქოში კვლავ მართავს ყველაზე დიდი დამნაშავე, შემოქმედი, სცენარის ავტორი ამ სკანდალისა - ქალბატონი, რომელიც ვფიქრობ, ამ მმართველობას უნდა ჩამოცილდეს, რათა გამოძიებას ხელი არ შეეშალოს და ობიექტრად წარიმართოს. გაკეთებული განცხადებები მამა მიქაელის მიერ და სხვა ცილისმწამებლური ცრუ ინფორმაციები საპატრიარქოს სახელით, მისი გარემოცვისგან რაც იკვეთება, ემსახურება ხელის შეშლას გამოძიების პროცესებისთვის. თავდებობასთან დაკავშირებით უწმინდესმა გამოთქვა ეს მოსაზრება, მე დავეთანხმე, მაგრამ განსხვავებული აზრი გამოთქვეს მღვდელმთავრებმა, ამიტომ დავთანხმდით რომ თუ გამოძიებას ხელს შეუშლიდა მამა გიორგის გარეთ ყოფნა, ჯობდა მას ისევ მოეთმინა, ეტვირთა ეს ჯვარი და დარჩენილიყო."- განაცხადა მეუფე პეტრემ.ჭყონდიდელი მიტროპოლიტის თქმით მან არ იცის რატომ არ შედგა დეკანოზის პატრიარქთან შეხვედრა:
"ვერ გაგცემთ ამაზე პასუხს, მაგრამ ისევ მიღრმავდება ეჭვი რომ საპატრიარქოში პროცესები ისევ იმართება"- აღნიშნა მეუფემ.
ჭყონდიდის მიტროპოლიტმა ეს განცხადებები სასჯელაღსრულების მე-9 დაწესებულებასთან გააკეთა.