ტელეკომპანია რუსთავი 2-ის მხარდამჭერ აქციას მსოფლიო მედია ეხმაურება. სააგენტო Reuters-ის ინფორმაციით, დამოუკიდებელი ტელეკომპანიის მხარდასაჭერად ათასობით ადამიანი ქუჩაში გამოვიდა.

„დამოუკიდებელი ტელეკომპანიის მხარდასაჭერად ათასობით ადამიანი ქუჩაში გამოვიდა. ისინი ტელეკომპანიის წინააღმდეგ მიმდინარე სასამართლო როცესში სამართლიანი გადაწყვეტილების მოთხოვნით შეიკრიბნენ“

აქციის შესახებ euronews-ც საუბრობს, მისი ინფორმაციით დამოუკიდებელი ექსპერტები ფიქრობენ, რომ რუსთავი 2-ის წინააღმდეგ სასამართლო პროცესი დამოუკიდებელი მედიის გაჩუმების მცდელობაა.

ტელეკომპანია რუსთავი 2-ისა და თავისუფალი მედიის მხარდამჭერი აქციის შესახებ სტატიას აქვეყნებს The Washington Post-იც, სადაც ნათვამია, რომ ათასობით ადამიანი დედაქალაქის ცენტრში ოპოზიციური ტელევიზიის მხარდასაჭერად გამოვიდა.

აქციას BBC-იც გამოეხმაურა, პუბლიკაციის ავტორის ინფორმაციით, აქციის მონაწილეები პარლამენტის შენობასთან რუსთავი 2-ის საქმეზე სასამართლოს გადაწყვეტილებამდე შეიკრიბნენ.

სააგენტო Associated Press-ის მიერ გავრცელებული ინფორმაციის თანახმად, აქციის მონაწილეები ვარაუდობენ, რომ ყველაზე პოპულარული ტელეკომპანია შესაძლოა ქვეყნის ხელისუფლებასთან მეგობრულად განწყობილ მეპატრონეს გადაეცეს, რამაც ადამიანები სხვადასხვა პოლიტიკური სპექტრიდან თბილისის მთავარ გამზირზე შეკრიბა.