დეკანოზი გიორგი მამალაძე გუშინ ე.წ. მატროსოვის ციხიდან სამედიცინო დაწესებულებაში, სავარაუდოდო გულის შეტევის დიაგნოზით გადაიყვანეს. მისი მეგობრის, მარიამ ტარიელაძის თქმით, მამა გიორგის გულის ოპერაცია აქვს გადატანილი, მას ორჯერ ჰქონდა კლინიკური სიკვდილი. ამის შესახებ ტარიელაძემ ჟურნალისტებთან საუბრისას, ჩაფიძის სახელობის გადაუდებელი კარდიოლოგიის ცენტრში განაცხადა:

„სამი წლის წინ იყო შემთხვევა, როცა გული გაუჩერდა, ექიმებმა მისი გადარჩენა შეძლეს. შემდეგ, დიაგნოსტიკის ტესტირების დროს მეორედ გაუცერდა გული, ამის გამო სტენდირება გაუკეთეს. ოპერაციის შემდეგაც რამდენიმეჯერ რეანიმაციულ განყოფილებაში მოხვდა. ამ ემოციისა და სტრესული მდგომარეობის შემდეგ ისევ რომ საავადმყოფოშია, არ არის გასაკვირი. ჩვენ არ ვიცით დეტალები, მედიით ვიგებთ ყველაფერს, - აღნიშნა მარიამ ტარიელაძემ.