საქართველოს კათოლიკოს პატრიარქი უწმინდესი და უნეტარესი ილია მეორე ოპერაციის შემდეგ თავს კარგად გრძნობს. ამის შესახებ ჟურნალისტებს ინფორმაცია მისმა მკურნალმა ექიმმა მიაწოდა გერმანიაში.

„პატრიარქის მდგომარეობა დადებითია. ის თავს კარგად გრძნობს და საქართველოში წასასვლელად ემზადება. ამ დროის მონაცემებით, ყველაფერი კარგად არის. უწმინდესი თავს კარგად გრძნობს“, - განაცხადა ექიმმა მარტინ შტრიკმა.

როგორც ბერლინის კლინიკაში მისულმა მეუფე დიმიტრიმ განაცხადა, პატრიარქის ჯანმრთელობის მდგომარეობა კარგია.

„მთავრდება სარეაბილიტაციო პერიოდი და პატრიარქი ორშაბათს საქართველოში გაემგზავრება“, - განაცხადა მეუფე დიმიტრიმ.