,,ბოროტი კომბლეს და აფერისტი ნაცარქექიას გაქრობა ვერაფერს უშველის“

,,ბოროტი კომბლეს და აფერისტი ნაცარქექიას გაქრობა ვერაფერს უშველის“ - ,,ნაღდი ამბავი“ აკა სინჯიკაშვილისგან

საზოგადოება - 22:22, 17 Feb, 2017

4941

„ზოგს სკოლა კი არა მშობლები და სახლი არ უნახავთ თვალით.“ - წერს აკა სინჯიკაშვილი და სოციალურ ქსელში განთავსებული „ნაღდი ამბავით“ - ბევრის გაკვირვებას იწვევს.
„განათლებას მიზანმიმართულად კლავენ, გაუნათლებელი მასის მართვა ადვილიაო!“- ვკითხულობთ კომენტარებში.
აკა სინჯიკაშვილი: „ნაღდი ამბავი: ერთ-ერთ მაღალმთიან სოფელში ბიჭი ცხოვრობს, 22 წლისაა. გაიგო, რომ მეზობელი სოფლიდან ბიჭები თურქეთში იყვნენ და ფული ჩამოიტანეს. ამასაც მოუნდა წასვლა და წავიდა კიდეც. ძაან დიდი გზა გაიარა და ჩავიდა სარფში. აქ გაიგო პირველად რომ ასე ადვილად თურქეთში არ გაუშვებდნენ და ლამის გაგიჟდა ))) ბიჭმა პირველად გაიგო ,რომ ქვეყნებს შორის საზღვრებია, საზღვარის გადაკვეთას პასპორტი უნდა და რომელ ქვეყანაშიც უნდა იქ უპრობლემოდ ვერ ჩავა ))))
ქვეყანაში ასეთი ადამიანები გვყავს და განათლების რეფორმას, ზღაპრებიდან ბოროტი კომბლეს და აფერისტი ნაცარქექიას გაქრობა მართლა ვერაფერს ვერ უშველის.

მარტო თბილისში მე პირადად 50-ზე მეტ ადამიანს ვიცნობ ვისაც პირადობის მოწმობა არც აქვს და არც არასდროს ჰქონია ))) მე ვისაც ვეხმარები, ამ ადამიანებიდან, ათიდან ერთმა მაინც არ იცის წერა-კითხვა. ზოგს სკოლა კი არა მშობლები და სახლი არ უნახავთ თვალით.“